Búgin túski saǵat 12:55-te Almatyda dabyl (sirena) belgisi iske qosylady, dep habarlaidy "Ult aqparat".
Almaty qalasynyń Tótenshe jaǵdailar departamenti 2021 jylǵy 17 maýsymda jergilikti ýaqytpen kúndizgi 12:55 minýtta qulaqtandyrý júiesiniń toqsan saiyn júrgiziletin josparly tehnikalyq daiyndyǵyn tekseriletinin málim etti.
«Oqý jattyǵý elektr dabyldaryn qosý arqyly «Barshanyń nazaryna!» biryńǵai qulaqtandyrý signalyn berip, tele jáne radio taratý arnalaryn avtomatty túrde qamtýmen bir ýaqytta halyqqa qulaqtandyrý júiesiniń tehnikalyq daiyndyǵyn tekserý júrgizilip jatqandaǵy týraly habar berý qarastyrylǵan. Osyǵan bailanysty departament qala turǵyndary men qonaqtaryn sabyr saqtaýǵa shaqyrady», - dep habarlady Tóteshe jaǵdailar departametinen.
Departamenttegiler Almaty qalasynyń turǵyndary men qonaqtarynan sabyr saqtaýdy suraidy.
Eger dabyl kezinde siz úide bolsańyz, onda:
- radioqabyldaǵyshty nemese teledidardy qosyńyz;
- tótenshe jaǵdai týraly habarlamany tyńdańyz;
- berilgen habarlamaǵa sáikes áreket etińiz.
Eger dabyl kezinde kóshede bolsańyz, onda:
- kóshedegi daýys zoraitqyshtarmen jáne mobildi eskertý qurylǵylarymen jiberilgen tótenshe jaǵdai týraly habarlamaǵa qulaq asyńyz;
- berilgen habarlamaǵa sáikes áreket etińiz.
