Almatyda 1920-1950 jyldardaǵy Saiasi qýǵyn-súrginder. Qaitarylǵan esimder» atty dóńgelek ústel ótti, dep habarlaidy "Ult aqparat".
Is-sharany uiymdastyrýshy – Almaty qalasynyń ákimdigi.
«Dóńgelek ústelge» Saiasi qýǵyn-súrgin qurbandaryn aqtaý jónindegi qalalyq, respýblikalyq komissiianyń, memlekettik organdardyń ókilderi, ǵalymdar, Almaty qalasy Qoǵamdyq keńesiniń, Qazaqstan Jazýshylar Odaǵynyń, QR Prezidenti muraǵatynyń, respýblikalyq etnomádeni birlestik basshylary qatysty.
Almaty qalasy qoǵamdyq damý basqarmasynyń basshysy Dias Esdáýletov memlekettiń damýynda Qazaqstan Táýelsizdiginiń 30 jyldyǵy mańyzdy kezeń bolǵandyqtan, 2021 jyl el úshin erekshe ekenin atap ótti.
Saiasi qýǵyn-súrgin qurbandaryn aqtaý jónindegi qalalyq komissiia tóraǵasynyń orynbasary Baýyrjan Janǵuttin Memleket basshysy Qasym-Jomart Toqaevtyń Jarlyǵymen caiasi qýǵyn-súrgin qurbandaryn tolyq aqtaý jónindegi memlekettik komissiia qurylǵanyn jetkizdi.
Osyǵan bailanysty qalalyq komissiia quryldy, olardyń negizgi mindeti 1920-1950 jyldardaǵy saiasi qýǵyn-súrgin qurbandaryn tolyǵymen zań jáne saiasi aqtaý.
Onyń aitýynsha, komissiianyń aldynda kóp eńbekti talap etetin jumys tur, komissiia quramynda 51 adam jumys isteidi7
Onyń ishinde sarapshylardyń 70%-y ǵylymi dárejege, al 20%-y magistr dárejesine ie. Bul óte kásibi quram, bul zertteý jumysynda óte mańyzdy.
Dóńgelek ústel barysynda Muhamedjan Tynyshbaevtyń uly – 90 jastaǵy aqsaqal Sheih-Ali Daýlet Muhamedjanuly sóz sóilep, óziniń ákesi, úreimen ótken balalyq shaǵy, sol qiyn jyldar, qýǵyn-súrginge ushyraǵan «Alash Orda» kóshbasshylary týraly áńgimeledi.
QR Jazýshylar odaǵynyń tóraǵasy Ulyqbek Esdáýlet sol qaiǵyly oqiǵalar týraly estelikterdi saqtaýdyń mańyzyn atap ótti.
Ol jastardy tarihty zerdeleýge jáne óz elin súiýge shaqyrdy.
Is-sharada QR Prezidenti Muraǵaty direktorynyń orynbasary Qairat Álimǵazinov sóz sóilep, muraǵat materialdarymen jumys ádistemesi, saiasi qýǵyn-súrgin qurbandaryn aqtaý jónindegi respýblikalyq komissiianyń aǵymdaǵy kezeńdegi jumysynyń qorytyndylary týraly aityp berdi.
Sondai-aq, belgili ǵalym professor, tarih ǵylymdarynyń doktory Hangeldi Ábjanov Alash Orda kóshbasshylary Á. Bókeihanovtyń, A. Baitursynovtyń, M. Tynyshbaevtyń qaiǵyly taǵdyrlary, saiasi qýǵyn-súrgin qurbandaryn aqtaý jónindegi qalalyq jáne respýblikalyq komissiianyń mańyzy týraly aitty.
«Dóńgelek ústel» jumysyna B. Qabdýshev, Sh. Zabih, Z. Tólenova, R. Kámshat, M. Gýbaidýllina, G. Nurbatyrova, A. Óteǵalieva siiaqty qalalyq komissiia ókilderi, 20-50 jyldardaǵy qýǵyn-súrginniń negizgi kezeńderi, halyqtardy deportatsiialaý, qazaq ziialylarynyń ókilderi J. Dosmuhamedov, T. Júrgenov, O. Jandosov, zertteý jáne muraǵat jumystary týraly áńgimelegen K. Matyjanov, S. Borbasov siiaqty ǵalymdar qatysty.
