Almaty qalasynyń aýdandarynda kreativti habtar qurylady, dep habarlaidy QazAqparat.
«Almatyny «smart-siti» retinde damyta otyryp, kreativtik indýstriialardyń damyǵan sektoryn qurý baǵytynda qatar jumys isteimiz. Qazirdiń ózinde Almatyda kreativti indýstriialarda 50 myńnan astam adam jumys isteidi. Bizde kreativti ekonomikamen ainalysatyn 4,3 myńnan astam kásipker men 3,6 myń kompaniia tirkelgen. Elimizdiń kreativti biznesiniń jartysynan astamy (53%) Almatyǵa tiesili», - dedi qala ákimi Baqytjan Saǵyntaev Ortalyq kommýnikatsiialar qyzmetinde.
Shahar basshysy keleshekte bul sandardyń eselep artatynyna senim bildirdi.
«Kún saiyn 700-ge jýyq adam jumys isteitin «Alataý» kreativti haby jumys isteidi. Biyl Medeý aýdanynda da hab ashamyz. Jyldyń sońyna deiin burynǵy tramvai parki bazasynda Depo Evolution Park salynady. Sondai-aq burynǵy tergeý izoliatorlarynyń ǵimarattar kesheni bazasynda Kreativti indýstriialar parki ashylady. Kreativti sektorda jumys isteitin biznes úshin «Almaty Finance» jáne «Almaty Mikro qarjy uiymy» jelileri boiynsha qarjylyq qoldaý kórsetiledi. Bizdiń bul tájiribemiz Memleket basshysynyń tapsyrmasy boiynsha búkil elge keńinen taraityn bolady», - dedi ákim.
