18 shildede Almatyda bolǵan atystan aýyr jaraqat alǵan taǵy bir politsei aýrýhanada qaitys boldy, - dep habarlaidy Tengrinews.kz tilshisi qalalyq IID baspasóz qyzmetine silteme jasap.
"Búgin 11.08.2016 jyly tańda jansaqtaý bóliminde aýyr oq jaraqtyn alǵan politsei qaitys boldy. Dárigerler onyń jaǵdaiyn óte aýyr dep baǵalady. Olar politseidiń ómirin saqtap qalý úshin sońyna deiin kúresti", - dep habarlady politsiiadaǵylar.
Politsiia serjanty Keldibaev Jalǵas Amanbaiuly 1992 jyly dúniege kelgen. Organdarda 2014 jyldan beri jumys istegen. "Basshylyq, Ardagerler keńesi, Almaty qalalyq Ishki ister departamentiniń jeke quramy Jalǵas Keldibaevtyń týystaryna kóńil aitady", - dedi qalalyq IID baspasóz qyzmeti.
Eske salaiyq, 18 shildede Almatyda terroristik akt bolǵan edi. Belgisiz er adam Almaly aýdandyq IIB men UQK departamentine qarýly shabýyl jasady. Oqiǵa saldarynan bes adam, onyń ishinde úsh politsiia qyzmetkeri qaza tapty. Qalada terrorlyq qaterdiń qyzyl deńgeii jariialandy. Qylmysker ustaldy,ol buryn isti bolǵan Qyzylorda oblysynyń týmasy Rýslan Kúlikbaev bolyp shyqty.
Osyǵan deiin IID tergeý jumystary barysynda18 shildede politseilerdi óltirdi degen kúdikke ilingen Rýslan Kúlekbaevtiń jaldamaly páterdi anyqtaǵan bolatyn. Politseiler páterde adam ómirine qaýipti zattardyń bar-joǵyn tekserip shyqty. Alaida, politseiler páterdi tintý kezinde qaýipti zattardy tappady.
