Almatyda koronaviýrstyń «delta» shtamynyń úlesi 78% jetti, dep habarlaidy "Ult aqparat".
«Ótken táýlikte Almatyda 46 synamada mýtatsiiaǵa ushyraǵan shtamdar bar-joǵy zertteldi. Onyń 36-synda «delta» shtamy anyqtaldy. Osylaisha, úndi shtamynyń úles salmaǵy 78,3 paiyzdy, segiz úlgide «alfa» (ulybritaniialyq) shtamy 17,4 paiyzdy quraidy. Iaǵni, qozdyrǵyshtar aýysyp jatyr», - delingen ákimdik tartqan aqparatta.
Aita keteiik, buǵan deiin Almatyda 131 úlgi zerttelip, olardyń 77-sinen ulybritaniialyq shtamm, al 46-synan úndi shtamy anyqtalǵan bolatyn.
Eske salaiyq, Almaty qalasy sanitariialyq-epidemiologiialyq baqylaý departamentiniń basshysy, qalanyń bas memlekettik sanitar dárigeri Jandarbek Bekshin megapolistegi epidemiologiialyq jaǵdai óte kúrdeli ekenin aitqan bolatyn.
