Foto: Almaty ákimdigi
24 aqpan saǵat 9:00-den bastap Almatyda qar toqtaýsyz jaýyp jatyr. 25 aqpan saǵat 11:00-degi jaǵdai boiynsha qalaǵa 22 sm qar tústi. Bul ailyq normanyń 56%-y, dep habarlaidy Ult.kz Almaty ákimdigine silteme jasap.
Kommýnaldyq qyzmet qar tolassyz jaýyp jatqan kezde joldy tolyqtai qurǵaq ári taza kúide ustaý múmkin emes ekenin eskertti.
"Tazartylǵan aýmaqty qaitadan qar basady. Sondyqtan kommýnaldyq qyzmettiń basty mindeti — kóktaiǵaqtyń aldyn alyp, kólik qozǵalysynyń qaýipsizdigin qamtamasyz etý", - deidi ákimdiktegiler.
Qazirgi kúsheitilgen rejimde:
- — 75 jedel brigada
- — 4 000-nan astam jol qyzmetkeri
- — 1 250 birlik arnaiy tehnika jumys istep jatyr.
- — magistraldy kóshelerde 203 aralas jol mashinasy jumyldyrylǵan.
Negizgi kóshelerde jolǵa kóktaiǵaqqa qarsy materialdar turaqty túrde sebilip jatyr.
Túngi ýaqytta tehnika barynsha tiimdi jumys isteidi. Kúndiz kóliktiń kóptigine bailanysty tazalaý jumystary kúrdelene túsedi. Soǵan qaramastan jumys bir sátke de toqtaǵan joq.
