Almaty qalasynda bir táýlikte 15 257 adam koronavirýsqa qarsy vaktsina saldyrdy. Bul týraly qalalyq qoǵamdyq densaýlyq saqtaý basqarmasy málim etti, dep habarlaidy "Ult aqparat".
«13 shilde kúni 15 257 almatylyq vaktsina saldyrdy. Biylǵy jyldyń 1 aqpany men 13 shilde aralyǵynda qalada barlyǵy 615 661 adam vaktsina saldyrdy. Vaktsina alǵandardyń jalpy sanynan 60 jastan asqan qart kisiler úlesi - 91 263» dep habarlady basqarmadan.
Qalada 212 pýnkt jumys istep tur. 1 260 adamnan turatyn 308 egý brigadasy bar.
Sonymen qatar, 40 kóshpeli mobildi brigada uiymdastyrylǵan.
«Qazir meditsinalyq uiymdarda, mektepterde, mádeniet, sport obektilerinde, bazarlar men qalanyń SOSO-da vaktsinatsiia pýnkti jumys isteidi» - dep naqtylady densaýlyq saqtaý basqarmasynyń baspasóz qyzmeti.
