Almaty qalasynda bir táýlikte 10 158 adam koronavirýsqa qarsy vaktsina saldyrdy. Bul týraly qalalyq qoǵamdyq densaýlyq saqtaý basqarmasy málim etti, dep habarlaidy "Ult aqparat".
«6 shilde kúni 10 158 almatylyq vaktsina saldyrdy. Biylǵy jyldyń 1 aqpany men 6 shildesi aralyǵynda qalada barlyǵy 540 343 adam vaktsina saldyrdy, onyń tolyq dozasyn 327 303 adam aldy», - dep habarlady basqarmadan.
Qalada 212 pýnkt jumys istep tur. 1 260 adamnan turatyn 308 egý brigadasy bar. Sonymen qatar, 40 kóshpeli mobildi brigada uiymdastyryldy.
«Qazir meditsina uiymdarynda, mektepterde, mádeniet, sport obektilerinde, bazarlar men qalanyń SOSO-da vaktsinatsiia pýnkti jumys isteidi» - dep naqtylady densaýlyq saqtaý basqarmasynyń baspasóz qyzmeti.
