Qazaqstan musylmandary dini basqarmasynyń Tóraǵasy Naýryzbai qajy Taǵanuly Almaty qalasyna jasaǵan resmi saparynda Alataý aýdanynda salynyp jatqan jańa záýlim meshittiń qurylysymen tanysty, dep habarlaidy "Ult aqparat" QMDB baspasóz qyzmetine silteme jasap.
Bas múfti jańa meshittiń qazaqy naqyshta salynýyna nazar aýdardy. Sonymen qatar jamaǵatqa qolaily kólik turaǵynyń bolýyna kóńil bóldi.
Aita ketsek, Alataý aýdanynda boi kóterip jatqan qulshylyq úiinde bir mezette 7 myń adam namaz oqi alady. Meshittiń qurylys jumysyn osy jyldyń jeltoqsan aiynda bitirý josparlanǵan.
Ǵimarattyń jalpy alańy – 16 myń sharshy metr. Arhitektýralyq jobaǵa sáikes, meshitte biiktigi 75 metrlik birneshe munara bolady. Keshenniń ortalyq bóliginde 9 kúmbezdi negizgi ǵimarat ornalasady.
Sondai-aq onyń quramyna islam kitaphanasy, ákimshilik bólik, namaz oqityn zaly bar áielder korpýsy, dini rásimder ótkizýge arnalǵan zal, oqý-aǵartý toptaryna arnalǵan jáne medrese synyptary bar erler bóligi, sondai-aq, sheberhana men dúkender kiredi.
QMDB Tóraǵasy Naýryzbai qajy Taǵanuly meshittiń qurylysymen tanysqan soń Almaty qalasynyń jańadan taǵaiyndalǵan bas imamy Tólebi Ospanǵa naqty tapsyrmalar berdi.
