Almatyda Ashyq jobasyna qatysýshylar sany 1700-ge jetti. Bul týraly onlain brifing barysynda qalalyq kásipkerler palatasynyń direktory Aitýar Qoshmambetov aitty, dep habarlaidy "Ult aqparat".
Onyń málimetinshe, sáýir aiynda Ashyq júiesin 367 kásipker qoldansa, qazir olardyń sany 1700-ge jetken.
«Jobaǵa qatysýshylar tiziminde 128 fitnes-ortalyq, 40 SPA-salon, 38 bassein, 5 boýling-klýb, 18 biliard, 110 kompiýterlik klýb, 110 monsha, 1096 qoǵamdyq tamaqtaný nysany, 33 karaoke, 19 kinoteatr, teatrlar men kontsert zaldary bar», - dedi ol.
Sondai-aq ol testilik rejimde 232 biznes sýbektisi jumys istep jatqanyn jáne jobaǵa erikti túrde 44 nysan qatysýǵa niet bildirgenin jetkizdi.
«Joba Kaspi.kz-pen birikti, endi siz mártebeńizdi bank qosymshasynda bile alasyz. Sondai-aq kelesi kezeńde servisti Egov Mobile men Halyk bank-te jariialaý josparlandy. Aldaǵy ýaqytta qamtylatyn qyzmet salasy týraly aitatyn bolsaq, bul - barlyq áýejailar, temirjol vokzaldary, fýdkort, JOO men basqalary», - dedi Aitýar Qoshmambetov.
