Foto: ashyq derekkóz
Almatyda «QazTAG» agenttiginiń iesi Aset Mataevqa top bolyp shabýyl jasalǵany týraly aqparat tarady, dep habarlaidy Ult.kz.
Advokat Rena Kerimovanyń málimdeýinshe, oqiǵa kezinde Mataev pen onyń dosyna 5-6 adam shabýyl jasap, soqqyǵa jyqqan. Nátijesinde ol aýyr jaraqat alǵan.
«Aset Mataevtyń basy jarylǵan, ashyq jaraqaty bar, sondai-aq mańdai qýysynyń synýy tirkelgen. Qazir ózin óte nashar sezinip otyr», – dedi qorǵaýshy.
Advokattyń aitýynsha, zardap shegýshi sot-meditsinalyq saraptamaǵa jiberilgen. Qorǵaýshylar Medeý aýdandyq politsiia basqarmasyna baryp, oǵan quqyqtyq kómek kórsetip jatyr.
Aldyn ala málimet boiynsha, janjal Mataev pen onyń dosy Dostyq dańǵylyndaǵy bardan shyǵyp, taksige bet alǵan kezde bastalǵan. Qorǵaý tarapynyń nusqasyna sáikes, olarǵa belgisiz adamdar toby shabýyl jasaǵan.
Buǵan deiin politsiia Medeý aýdanyndaǵy oiyn-saýyq orny mańynda bolǵan tóbelesten keiin Mataevtyń ustalǵanyn habarlaǵan edi. Quqyq
qorǵaý organdarynyń málimetinshe, janjal er adamdar arasyndaǵy sózge kelispeýshilikten bastalyp, tóbeleske ulasqan. Qazirgi ýaqytta is «buzaqylyq» baby boiynsha tergelip jatyr.
