Almatyda aryq jelileri men nóser káriz júielerin salý jáne qaita jańǵyrtý jumystary jalǵasýda, dep habarlaidy ult.kz. Qaladaǵy aryq júiesiniń jalpy uzyndyǵy 1 525 shaqyrym.
2021 jyldan beri sý burý júiesin jańǵyrtý boiynsha jalpy quny 16,5 mlrd teńge bolatyn úsh joba iske asyrylýda. Qalanyń ortalyq bóligindegi jumystar tolyq aiaqtalyp, 76,6 shaqyrym jeli jańartyldy. Qalanyń shyǵys jáne batys bólikterindegi jumystar biyl aiaqtalady.
Jaýyn-shashyn kezinde qalada aryqtar men nóser kárizderiniń jaǵdaiyna kúsheitilgen baqylaý júrgiziledi. Mamandar sýdyń ýaqytyly aǵýyn qamtamasyz etý úshin jeliler men sý ótkizý qurylystaryn turaqty túrde tazartyp otyrady.
Sońǵy jyldary Almatyda qysqa ýaqyt ishinde qatty nóser jaýý jiilegen. Kei jaǵdaida 1–2 saǵattyń ishinde ailyq jaýyn-shashyn mólsheriniń jartysyna deiin túsýi múmkin. Sonymen qatar tyǵyz qurylys pen asfalt jamylǵysynyń kóp bolýy júiege qosymsha júkteme túsiredi.
Sý basý qaýpin azaitý maqsatynda aýdan ákimdikteri men salalyq qyzmetter problemaly ýchaskelerge turaqty monitoring júrgizip, olardy kezeń-kezeńimen qaita jańǵyrtý jobalaryna engizýde.
