Almaty qalalyq Tótenshe jaǵdailar departamenti Qazgidrometke silteme jasap aýa raiyna qatysty eskertý jariialady, dep habarlaidy "Ult aqparat".
30 maýsymda Almatyda synap baǵanasy 35 gradýsqa deiin kóteriledi. Kún qatty ystyq bolýy yqtimal.
Osyǵan bailanysty,TJD tómendegi qaýipsizdik sharalaryn saqtaýdy usynady:
– Kún sáýlesi tikelei túsetin jerlerde múmkindiginshe az bolýǵa tyrysyńyz. Eske sala ketsek, saǵat 12:00-den 16:00-ge deiingi ýaqytta kúnniń sáýlesi belsendi bolady. Deneni kún sáýlesinen qorǵap, jabyq kiim kiińiz jáne kúnen qorǵaityn syqpa mai qoldanyńyz;
– Ishimdik ishpeńiz – alkogol ystyqta aǵzaǵa tez áser etedi jáne dene joǵary temperatýraǵa sezimtal bolady;
– Suiyqty (salqyndatylǵan sý, mineraldy sý) múmkindiginshe kóp ishińiz;
– Denege salmaq túsirmeńiz. Kúshti júkteme ystyqta jylý almasýdy arttyrady da aǵzany sýsyzdanýǵa ákelip soqtyrady;
– Avtokólikpen uzaq sapardy shekpeýińiz kerek. Eger bul múmkin bolmasa, jolda abai bolyńyz, sebebi, qatty ystyqtan kóńil kúi tómendep adam ózin ózi nashar sezinýi múmkin jáne reaktsiia tómendeidi;
–Balalardy kóliktiń ishine az ýaqytqa bolsa da qaldyrmańyz. Qatty ystyqtan bala esinen tanyp qalýy múmkin;
- Eger siz tótenshe jaǵdaiǵa tap bolsańyz jáne ómirińizge qaýip tónse, «112», «101» biryńǵai qutqarý qyzmetine qońyraý shalyńyz (qońyraý shalý tegin).
