Almaty qalasynyń ákimi Baqytjan Saǵyntaev qalanyń úkimettik emes uiymdary jáne qoǵamdyq birlestik ókilderimen birge áleýmettik qyzmetter úiiniń ashylýyna qatysty, dep habarlaidy "Ult aqparat".
Ǵimaratty rekonstrýktsiialaý byltyr bastaldy. Qysqa merzim ishinde munda «bir tereze» qaǵidaty boiynsha barlyq áleýmettik qyzmetterdi alýshylarǵa jaily jaǵdailar jasalady.
Kórsetiletin qyzmetterdiń jalpy sany – 776-ǵa jýyq.
Baqytjan Saǵyntaev memlekettik organdar men qarjy institýttarynyń integratsiiasy áleýmettik qyzmet kórsetýdiń sapasyn jańa deńgeige kóteretinine senim bildirdi.
«Qalalyqtardy áleýmettik damytý jáne qoldaý – «Almaty-2050» damý Strategiiasynda kórsetilgen Almaty ákimdiginiń basty jáne strategiialyq mindeti. Bizdiń maqsatymyz — Almatyny teń múmkindikter ári inkliýzivti tulǵaǵa baǵyttalǵan ortalyqtanǵan qala jasaý», - dep atap ótti megapolis ákimi.
Osy maqsatqa jetý úshin áleýmettik baǵdarlanǵan biýdjet qalyptasýda, onyń 46%-y biylǵy jyly áleýmettik salany damytýǵa jumsalatyn bolady.
Biyl áleýmettik qoldaýǵa 25 mlrd teńge bólinip, 124 myń adam (áleýmettik kómek - 7,1 mlrd, arnaýly áleýmettik qyzmetter - 4,6 mlrd, múgedekterdi áleýmettik qorǵaý - 5,6 mlrd, halyqty jumyspen qamtý - 6,1 mlrd, belsendi uzaq ómir, baqytty otbasy - 954 mln shyńǵa órleý, táýelsiz mektep ómiri – 406 mln teńge) qamtylatyn bolady.
Múmkindigi shekteýli tulǵalardyń esh kedergisiz kirýleri úshin ǵimarat kótergish qurylǵysymen jabdyqtalǵan.
Birinshi qabattaǵy keń operatsiia zalynda kelýshilerdi Almaty qalalyq áleýmettik ál-aýqat, turǵyn úi saiasaty basqarmalarynyń, Almatynyń jumyspen qamtý ortalyǵynyń, Azamattarǵa arnalǵan úkimettiń «HQKO»-nyń «Zeinetaqy tóleýdiń memlekettik ortalyǵy» AQF-nyń, Almaty politsiiasy departamentiniń kóshi-qon qyzmeti basqarmasynyń, Almaty qalasy boiynsha eńbek komitetiniń, áleýmettik qorǵaý jáne kóshi-qon departamentiniń keńesshileri qabyldaidy.
Ekinshi qabatta Almatynyń jumyspen qamtý ortalyǵynyń operatsiia zaly jáne bek-ofis ornalasady, ótinish berýshiler qolaily jumys oryndaryn, al jumys berýshiler ózderine kerek jumysshylardy taba alady.
Munda kásip tańdaý kezinde kásibi baǵdar berý, kásibi daiarlaý, jumyssyz azamattarǵa qaita daiarlaý, biliktiligin arttyrý, «Bastaý-Biznes» baǵdarlamasy boiynsha oqýǵa joldama jáne tegin granttar berý boiynsha konsýltatsiialyq qyzmetter usynylady.
Úshinshi jáne tórtinshi qabattarda Almatynyń áleýmettik ál-aýqat basqarmasy, Turǵyn úi saiasaty basqarmasynyń páterlerdi bólý bólimi jáne «Adaldyq alańynyń» halyqqa qyzmet kórsetý aimaǵy oranalasady.
Besinshi qabatta Almatynyń Turǵyn úi saiasaty basqarmasynyń túrli bólimderi jáne ártúri sharalar ótkizetin kópbeiindi akt zaly bolady.
Áleýmettik qyzmet kórsetý úiine túrli ómirlik qiyn jaǵdailarǵa, onyń ishinde kelispeýshilikterge tap bolǵan kóptegen azamattar keletindigi eskerilip, ortalyqta advokat pen psiholog bólmeleri qarstyrylǵan.
Balalarmen kelgen qonaqtarǵa yńǵaily bolý úshin oiyn alańy jabdyqtalǵan.
Buryndary múgedekter áleýmettik qyzmetterdi kórsetetin uiymdarǵa barý úshin úlken qiyndyqtarǵa tap bolatyn.
Endi olarǵa qaǵazbastylyq pen ákimshilik kedergiler joiylǵan ári tiisti protsedýralardy iske asyrý jáne barlyq qujattarǵa bir jerden qol qoiý múmkindikteri týyp otyr.
Áleýmettik qyzmet kórsetý úii damyǵan kólik infraqurylymy bar Dostyq dańǵylynyń boiyna ornalasqan, janynda metronyń «Abai» beketi bar, baǵyttar boiynsha 7 avtobýs jáne 3 trolleibýs júredi.
Iaǵni, qala turǵyndary áleýmettik qyzmet kórsetý úiine qalanyń kez-kelgen núktesinen bara alady.
