Foto: ashyq derekkóz
Almatynyń Perinatologiia jáne balalar kardiohirýrgiiasy ortalyǵynda Densaýlyq saqtaý ministrliginiń jańa jobalary iske asyryldy: 2024 jyly elimizde alǵash ret fetaldyq hirýrgiia, uryqty saqtaý ortalyǵynda «Bir kúndik klinika» engizildi, dep habarlaidy Ult.kz.
Qazaqstannyń ár óńirinen jáne shetelden kelgen dárigerler men mamandar Almaty qalasynyń Perinatologiia jáne balalar kardiohirýrgiiasy ortalyǵynyń bazasynda úzdik sarapshylardyń egjei-tegjeili túsiniktemelerimen 15 joǵary tehnologiialyq operatsiiany tikelei efirde baqylady.
Operatsiialardyń qataryna platsentanyń ósýi kezinde jatyrdy saqtaý boiynsha sirek aralasýlar, V-NOTES az invazivti tehnologiialary, 18 apta merziminde uryq-akardiýstaǵy tamyrlardyń fetoskopiialyq lazerlik koagýliatsiiasy, sondai-aq italiandyq áriptesterimen birlesip júrgizilgen balalardaǵy týa bitken júrek kemistikteri hirýrgiiasynyń asa kúrdeli jaǵdailary jatady.
Konferentsiia Qazaqstannan, Reseiden, Úndistannan, Italiiadan, Qytaidan, Izrailden jáne basqa elderden úzdik dárigerlerdiń, ǵalymdar men sarapshylardyń qatarynan 600-den astam qatysýshyny biriktirdi.
