Foto: Gov.kz
Qaiǵyly oqiǵa 2025 jyldyń 1 qyrkúieginde bolǵan. Kúdikti – qyzdyń ákesiniń dosy. Jaǵdaidy aýyrlata túsetin jait – boljamdy qylmyskerdiń AITV juqtyrǵany. Bul týraly Ult.kz Kriminalnyi Kazahstan telegram arnasyna silteme jasap habarlaidy.
Jábirlenýshiniń anasy mas kúiinde kólik júrgizgeni úshin jazasyn ótep júrgen. Onyń aitýynsha, ol qylmys pen sot protsesi týraly tek alty ai ótken soń ǵana bilgen, sebebi resmi habarlama almaǵan.
Quqyq qorǵaýshy Lázzat Raqysheva osy ýaqyt aralyǵynda qyz kúdiktiniń týystary, onyń advokattary jáne óz ákesiniń tarapynan psihologiialyq qysym kórgenin málimdedi. Aitýynsha, qajetti psihologiialyq kómektiń bolmaýy saldarynan bala sotta aldyn ala daiyndalǵan mátindi oqyp, kórsetpesin ózgertken. Boljamdy qysymdy rastaityn aýdio jáne fotomaterialdardyń bar ekeni habarlandy.
Almaty qalalyq politsiiasy tergeýdiń aiaqtalǵanyn, kúdiktiniń ustalǵanyn jáne materialdardyń 2025 jyldyń jeltoqsanynda sotqa joldanǵanyn málimdedi. Is erekshe baqylaýda bolǵan.
Alaida jábirlenýshi tarap sot-meditsinalyq saraptama qorytyndylaryna kúmán keltirýde. Saraptama bir ǵana zorlyq epizodyn anyqtaǵan, al buǵan deiin birneshe jaǵdai bolǵany aitylǵan.
Anasy men quqyq qorǵaýshylardyń sózinshe, otbasy jetkilikti zańgerlik jáne psihologiialyq qoldaýǵa ie emes, al aiyptalýshynyń qorǵaýy uiymdastyrylǵan. Sot jaryssózi 2026 jyldyń 25 aqpanyna belgilengen.
