Almatyda 99 jastaǵy ájei koronavirýsqa qarsy vaktsina aldy, dep habarlaidy "Ult aqparat".
Búgin №36 qalalyq emhanada 99 jastaǵy batyr ana - Zaǵisha Shalova ekpe saldyrdy. 12 balanyń anasy, 15 nemereniń ájesi «Spýtnik V» reseilik preparatyn tańdady.
«Bul meniń jeke sheshimim, men bul aýrýdyń meni jáne meniń týystarymdy ainalyp ótse deimin. Balalarymnyń barlyǵy ekpe alyp qoiǵan. Qazir ózimdi jaqsy sezinem, esh aýytqýlar nemese ózimdi jaman sezingen emespin, ary qarai da osylai bolady dep úmittenemin»,- deidi ájei.
Vaktsina salý bastalǵaly beri Naýryzbai aýdany boiynsha 27 myń adam ekpe aldy, ondaǵy 40% №36 qalalyq emhanasynda alǵan.
Aýdan boiynsha ekpe alǵandardyń arasynda vaktsinadan soń esh asqynýlar oryn almaǵan.
«Turǵyndar arasynda vaktsina saldyrǵysy keletinder sany artyp keledi. Ár azamat bekitilgen jerine qaramastan qaladaǵy qalaǵan emhanada vaktsina ala alady. Kúndelikti bizdiń emhanaǵa koronavirýs infektsiiasynan vaktsina alýǵa 150 -200 shaqty adam keledi», -dedi №36 qalalyq emhananyń bas dárigeri Gúljainat Tilegen.
Koronavirýsqa qarsy vaktsina alý №36 emhanada demalyssyz kúndelikti saǵat 08.00-den 20.00-ge deiin júrgiziledi.
