Almatyda erekshe neke qiiý rásimi ótti, dep habarlaidy "Ult aqparat" Habar 24 telearnasyna silteme jasap.
Biriniń jasy 80-nen asqan, al ekinshisi 90-dy eńsergen qariialar kóp jyldan keiin nekesin zańdastyrdy. Olardyń mahabbat bulaǵynan nár alǵan oqiǵasyna arna tilshileri de kýá bolyp qaitty.
Munda nekeni rásimdeý sharalary barlyǵyna birdei, jas ereksheligine qaramaidy. Tipti neke júzigin almasý da dástúrge sai júrgizildi. Tek búgingi neke qiiýdyń bir ózgesheligi, karantinge bailanysty ádettegidei saltanat zalynda emes, neke saraiynyń terezesi arqyly ótkizildi.
Taǵy bir qyzyǵy, eriniń jasy - 85-te, jubaiy - 96-da. Bul juptyń mahabbaty sonaý 1985 jyly bastalypty. Bastapqy kezde dostyq qarym-qatynas bolǵan. Elena Ivanqyzy opera teatrynda kóp jyl eńbek etip, zeinetke shyqqan. Biraq úide qarap otyra almai, qaita jumysqa shyǵady.
«Jas tehnikter stantsiiasynda jumys istei bastadym. Biz Andrei Mihailovichpen sol jerde tanystyq. 35 jyl joldas boldyq» deidi Elena Eshtokina.
Andrei Mihailovich jas tehnikter stantsiiasynda uldarǵa shege qaǵýdy, ushaq jasap, ǵarysh kemelerin qurastyrýdy úiretken. Árine, onyń bári maket bolatyn.
Eń basty maqsat – balalardy yntalandyryp, bilimge, ónertapqyshtyqqa beiimdeý edi. Elena Ivanovna ózi shyǵarmashylyq ortadan shyqqandyqtan bul oǵan qatty unaidy.
Ol opera teatrynda ariialar oryndamaǵan, horda án aitqan. Biraq únemi jeke partiiasy bolǵanyn armandapty.
Endi mine, kóp jyl jalǵyzdyqtan keiin «jeke ómirim bastaldy, kópten kútken armanym oryndalyp, jar atandym» dep ázildeidi.
