Foto: videodan skrinshot
Almaty qalasy boiynsha Qarjylyq monitoring agenttiginiń departamenti zańsyz investitsiialyq qyzmet salasyndaǵy alaiaqtyq deregi boiynsha sotqa deiingi tergeý júrgizip jatyr, dep habarlaidy Ult.kz.
Tergeý málimetinshe, 2013–2021 jyldar aralyǵynda kúdikti «Partners & Consultants» ataýymen «ómirdi saqtandyrý» jobasyn usynyp, azamattardyń qarajatyn iemdený shemasyn uiymdastyrǵan. Ol ómirdi saqtandyrý baǵdarlamalary men jinaqtaýshy saqtandyrý salymdaryna investitsiia salýdy usynyp, joǵary tabysqa ýáde bergen.
Salymshylarǵa ózine baǵynysty «Evroasia Global Investment» AQ jáne «Evropa Investment» JShS esepshottaryna aqsha aýdarý usynylǵan. Kúdikti jylyna 12 paiyzǵa deiin turaqty tabysqa kepildik beretinin aitqan.
Jobanyń senimdiligin arttyrý maqsatynda shyn máninde joq halyqaralyq saqtandyrý baǵdarlamalary men jalǵan sertifikattarǵa siltemeler qoldanylǵan. Qarajattar qolma-qolsyz aýdarym arqyly qabyldanyp, salymshylarǵa uzaq merzimdi depozitter men investitsiialyq mindettemeler bar degen áser qaldyratyn jalǵan qujattar tabystalǵan.
Nátijesinde 270 azamatqa 620 million teńgeden astam materialdyq zalal keltirilgen.
Tergeý derekterine sáikes, alynǵan qarajat kúdikti tarapynan jyljymaityn jáne jyljymaly múlik satyp alýǵa jumsalǵan. Qazirgi ýaqytta atalǵan múlikke shekteý qoiylǵan.
Kúdikti qamaýǵa alyndy. Tergeý amaldary jalǵasyp jatyr.
