Almatynyń bas sanitar dárigeri Jandarbek Bekshin qaýipti indettiń adamnyń boiyndaǵy aýrýdy asqyndyratynyn, sondyqtan ujymdyq immýnitetti qalyptastyrý úshin vaktsina saldyrý qajet ekenin aitty, dep habarlaidy QazAqparat.
Almaty qalasy sanitarlyq-epidemiologiialyq baqylaý departamentiniń bastyǵy, qalanyń bas memlekettik sanitar dárigeri Jandarbek Bekshin qazirgi kezde qalanyń vaktsinatsiia ortalyqtarynda koronavirýstyń mýtatsiialanǵan shtamdaryna qarsy tiimdi barlyq vaktsina jetkilikti ekenin málimdedi.
«Biz koronavirýstyń shekten tys ósýine jol bermeý úshin qoldan kelgenniń bárin jasaimyz. Qala ákimdigi, meditsinalyq qoǵamdastyq, sanitarlyq qyzmet jaǵdaidy turaqtandyrý úshin bárin jasaýda. Alaida, kóp nárse vaktsinatsiialaýdy qajet etetin megapolistiń turǵyndaryna bailanysty. Bul ólimge ákeletin virýstan qorǵanýdyń jáne oǵan qarsy turýdyń jalǵyz joly», - dep basa aitty Jandarbek Bekshin.
Almaty qalasynyń bas memlekettik sanitar dárigeri qalalyqtardyń vaktsinatsiialaýǵa daiyn ekenin atap ótti.
Sonymen qatar, jańa qaýlyǵa bailanysty barlyq menshik formasyndaǵy kásiporyndar men uiymdardyń ujymdaryna vaktsinatsiia kúsheitildi.
Onyń aitýynsha, 15 shildeden keiin monitoring toptary Qazaqstan bas memlekettik sanitar dárigeriniń qaýlysyna sáikes mindetti vaktsinatsiialaýdy qajet etetin uiymdardyń barlyq toptaryn tekserýdi bastaidy.
Eske sala keteiik, 1 aqpan men 2 shilde aralyǵynda Almatyda 487 736 adam vaktsinatsiialanǵan. Ótken táýlikte 15 292 adamǵa vaktsina egildi.
Qalada meditsinalyq uiymdarda, mektepterde, mádeni jáne sporttyq mekemelerde, bazarlar men saýda jáne oiyn-saýyq ortalyǵynda 211 vaktsinatsiia pýnkti bar.
1257 adamnan turatyn 304 vaktsinatsiia toby tartyldy.
