Foto: Almaty ákimdigi
Almaty haiýanattar baǵy sirek kezdesetin jańa janýarlarmen tolyqty. Endi kelýshiler Jańa Gvineiadan ákelingen Salvador kesirtkelerin kóre alady, dep habarlaidy Ult.kz Almaty qalasy ákimdigine silteme jasap.
Sirek kezdesetin alyp kesirtke
Salvadori's monitor – tabiǵatta tek Jańa Gvineia aralynda kezdesetin iri baýyrymen jorǵalaýshy. Keibir elderde ony artelliia, kabaragoiia nemese «qoltyraýyn kesirtkesi» dep te ataidy.
Bul janýar denesiniń iriligimen, uzyn ári qýatty quiryǵymen jáne qoltyraýynnyń terisine uqsaityn erekshe qabyrshaqty jamylǵysymen erekshelenedi.
Zoobaqqa Indoneziiadan jetkizildi
Zoobaqqa jasy 10 jyldan asqan eki kesirtke Indonesia elinen jetkizilgen. Qazirgi ýaqytta olar jańa ortaǵa beiimdelip úlgergen.
Almaty zoobaǵynyń «Ekzotariým» bóliminiń jetekshisi, gerpetolog Aleksandr Gýrnev janýarlardyń jaǵdaiy jaqsy ekenin aitty.
«Baýyrymen jorǵalaýshylar zoobaǵymyzda ózderin jaqsy sezinýde. Olar tabiǵi meken etý ortasyna uqsatyp arnaiy jabdyqtalǵan terrariýmǵa beiimdelip jatyr. Munda joǵary temperatýra men ylǵaldylyq saqtalǵan», – dedi maman.
Qai jerden kórýge bolady
Kelýshiler erekshe kesirtkelerdi Almaty haiýanattar baǵy aýmaǵyndaǵy «Ekzotariým» bóliminen kóre alady.
Zoobaq ákimshiligi almatylyqtar men qala qonaqtaryn ekzotikalyq janýarlardy tamashalaýǵa shaqyryp otyr.
