Foto: Almaty.tv
2025 jylǵy 14-26 naýryz aralyǵynda "Almaty jastary" baǵdarlamasy aiasynda jeńildetilgen turǵyn úi nesielerin alý úshin ótinish qabyldaý bastalady. Baǵdarlamaǵa 35 jasqa deiingi qala jastary qatysa alady, dep habarlaidy Ult.kz.
Ákimdiktiń málimetinshe, baǵdarlamaǵa qatysýǵa ótinishti www.almaty-zhastary2025.kz resmi saity arqyly berýge bolady, avtorizatsiia elektrondyq tsifrlyq qoltańba (ETsQ) arqyly júzege asyrylady.
Baǵdarlama aiasyndaǵy nesielendirý sharttary:
- - Eń joǵarǵy nesie somasy – 20 mln teńgege deiin;
- - Paiyzdyq mólsherleme – 5 paiyz;
- - Bastapqy jarna – 10 paiyz;
- - Bastapqy jáne qaitalama turǵyn úidi satyp alý múmkindigi;
Baǵdarlama boiynsha qamtý – keminde 2550 adam, onyń ishinde 1050 "Jumys isteitin jastar" baǵdarlamasynyń jalǵa alýshylary.
Baǵdarlamaǵa qatysý úshin negizgi talaptar:
- - Ótinish berý kezinde ótinish berýshi men onyń jubaiy (zaiyby) Almaty qalasynda turaqty tirkeýde turýy tiis.
- - Ótinish berýshiniń jasy ótinish berý sátinde 35 jastan aspaýy tiis (jubaiynyń jasyna qaramastan).
- - Baǵdarlamaǵa negizgi qatysýshy retinde erli-zaiyptynyń bireýi ǵana qatysa alady (bar bolsa).
- - Ótinish berýshi men onyń otbasy músheleriniń menshiginde turǵyn úi bolmaýǵa tiis, sondai-aq Qazaqstan Respýblikasynyń aýmaǵynda sońǵy 5 jyl ishinde turǵyn úi jaǵdaiyn ádeii nasharlatý faktileri bolmaýy kerek.
- - Ótinish berýshi sońǵy 6 (alty) aida Almaty qalasynda resmi túrde jumys istegen bolýy kerek jáne mindetti zeinetaqy jarnalary tólenýi qajet.
Qatysýshy tańdaǵan kelesi salalardyń birinde eńbek ótili bolýy kerek:
- - densaýlyq saqtaý,
- - bilim berý,
- - mádeniet,
- - sport,
- - joǵary oqý oryndary men ǵylymi-zertteý institýttary,
- - jýrnalistika,
- - áleýmettik sala,
- - quqyq qorǵaý organdary,
- - qalalyq kommýnaldyq qyzmetter.
"Jumys isteitin jastar" baǵdarlamasynyń (2019-2024 jyldar) jalǵa alýshylary úshin jas shekteýleri, turǵylyqty tirkeý talaby jáne resmi eńbek ótiline qoiylatyn talaptar qoldanylmaidy.
Tolyq aqparat www.almaty-zhastary2025.kz saitynda qoljetimdi. Anyqtama telefony: +7 (727) 225 14 57.
