Jyl sońyna deiin Almaty qalasynda 2 mln 604 myń sharshy metr baspanany qoldanysqa berý josparlanǵan. Bul týral qala ákimi Baqytjan Saǵyntaev aitty, dep habarlaidy QazAqparat.
«Jyl sońyna deiin biz 2 million 604 myń sharshy metrden astam turǵyn úidi paidalanýǵa berýdi josparlap otyrmyz. Onyń ishinde memlekettik biýdjet esebinen – 248,5 myń sharshy metr nemese 3266 páter úlestirilmek. Biyl «Nurly jer» baǵdarlamasy sheńberinde 800-den astam almatylyqty baspanamen qamtamasyz etýge múmkindik bergen «Shańyraq» pilottyq jobasy iske qosyldy», - dedi qala ákimi.
Shahar basshysy «Almaty jastary» baǵdarlamasy boiynsha jyl sońyna deiin taǵy 884 páter beriletinin málim etti.
«2020 jyldan bastap «Almaty jastary» baǵdarlamasy boiynsha jyl saiyn 1 myń jas qamtylady. Búginde turǵyn úidi bólý tásilderi qaita qaraldy. Jyl basynan beri 116 jas otbasy baspanaly boldy», - dedi ákim.
