Almaty taýlarynda joǵalyp ketken týristi izdeýge dron apparaty jumyldyryldy, dep habarlaidy "Ult aqparat".
Qalalyq tótenshe jaǵdailar departamentiniń málimetinshe, Ile Alataýynda joǵalyp ketken 42 jastaǵy Áliia Qamievany izdeýge 30 adam shyqty.
«Izdestirý-qutqarý jumystaryna dereý 30 adam men jeti tehnika jiberildi. Onyń ishinde, respýblikalyq jedel-qutqarý jasaǵynyń qutqarýshylary, 109-qutqarý qyzmeti, eriktiler bar. Sonymen qatar, pilotsyz ushý apparattary tartylady», - dep habarlady Tótenshe jaǵdailar departamentinen.
Qutqarýshylar eki topqa bólindi. Bireýi - Almaty-Alagir asýyna qarai, ekinshi top Sovetter shyńy jaqqa qarai bet aldy. Sonymen qatar, olar gidrologiia stansasynyń joǵary jaǵyndaǵy ormandy da qarap jatyr.
