Almaty taýlarynda kelinshek joǵalyp ketti, dep habarlaidy "Ult aqparat".
Respýblikalyq jedel-qutqarý jasaǵynyń qutqarýshylary Ile-Alataýynda joǵalyp ketken áieldi izdep jatyr.
Jasaqqa joǵalǵan qyz týraly aqparat 7 shilde kúni túsken. Anasynyń aitýynsha, ol taýǵa 5 shildede ketken. Kýágerler ony sońǵy ret Úlken Almaty kóliniń mańynda kórgen. Qyzdyń telefony úide qalǵan.
«Búgin respýblikalyq jedel-qutqarý jasaǵynyń 5 adamnan turatyn jeke quramy izdeý-qutqarý jumysyn bastap ketti. Qutqarýshylar eki topqa bólindi. Bireýi - Almaty-Alagir asýyna qarai, ekinshi top Sovetter shyńy jaqqa qarai bet aldy. Sonymen qatar, olar gidrologiia stansasynyń joǵary jaǵyndaǵy ormandy da qarap shyǵady», - dep habarlady Respýblikalyq jedel-qutqarý jasaǵynyń baspasóz qyzmeti.
