Almaty taýlarynda adasyp ketken týrister qutqaryldy, dep habarlaidy "Ult aqparat".
5 shilde kúni respýblikalyq jedel-qutqarý jasaǵynyń kezekshi pýltine Almaty taýynda qiyn jaǵdaida qalǵan eki áiel men eki er adam týraly aqparat tústi.
Belgili bolǵandai, týrister Shymbulaqtaǵa «Panorama» shyńyna kóterilip, qaitar jolda adasyp ketken.
Oqiǵa ornyna jeke quramnyń 7 adamy bar jedel top, onyń ishinde 1 kinologiialyq esep izdestirý-qutqarý jumystaryna shyqty.
Adasyp ketken týrister qutqarýshylarǵa geolokatsiia jiberdi, sóitip olardyń naqty qai jerde ekeni belgili boldy.
«Qutqarýshylar «Shymbulaq» taý shańǵysy kýrortynyń ortańǵy stantsiiasyna kólikpen jetip, ary qarai jaiaý kóterildi. Biraz ýaqyttan keiin qutqarý toby týristerdi taýyp aldy. Abyroi bolǵanda, eshkim jaraqat alyp, aýryp qalmaǵan. Báriniń jaǵdaiy jaqsy. Qutqarýshylar týristerge tómenge túsýge kómektesti», - dep habarlady Respýblikalyq jedel-qutqarý jasaǵynyń baspasóz qyzmeti.
Respýblikalyq jedel-qutqarý jasaǵy taýǵa shyqqanda qaýipsizdik sharalaryn qatań saqtaýdy eskertedi.
