Almaty politsiiasy ánshi Kental túsirgen vainǵa qatysty málimdeme jasady, dep habarlaidy "Ult aqparat".
PD áleýmettik jelilerdi baqylaý kezinde osy videony anyqtaǵan.
Beinekadrde politsiia qyzmetkeri beinesindegi er adam: «Bárińe sálem, dostar! Kim kúizeliske dýshar bolsa, júregi aýyrsa, jumysta, otbasynda qiyndyqtar týyndaǵan bolsa, bireýdi nesie qinasa. Ýaiymdamańyz. Báribir bárimiz de ólemiz», - dedi.
Tekserý kezinde video avtory ánshi jáne akter Talǵat Kenjebolatov (Kental) bolyp shyqty.
Áleýmettik jelide jariialanǵan post politsiiaǵa qarsy halyqtyń narazylyǵy men túsinispeýshiligin týdyrdy.
«Almaty politsiiasy bul videodaǵy politsiia formasyndaǵy er adam is júzinde ishki ister organdarynyń qyzmetkeri emes ekenin habarlaidy. T. Kenjebolatovtyń is-áreketine qatysty júrgizilgen tekserý nátijeleri boiynsha quqyqtyq baǵa beriledi. Qazaqstanda koronavirýs infektsiiasynyń taralýyna jáne qaiǵyly oqiǵalarǵa bailanysty qalyptasqan jaǵdai aiasynda mundai úndeýler, tipti ázil úshin bolsa da, ásirese politsiia formasyn qoldanǵany orynsyz», - dedi politsiiadan.
Aita ketý kerek, keshe ánshi Instagram jelisinde jazba jariialady. Ony arnaiy batalon qyzmetkerleri eshteńe túsindirmesten ýchaskege alyp ketken. Sonda ánshi bul vain osydan 4 jyl buryn túsirilgenin aitqan.
