Almatylyq politseiler jyl basynan beri adam saýdasynyń jeti dereginiń jolyn kesti, - dep habarlaidy "Ult aqparat" Polisia.kz portalyna siltem jasap.
Qalalyq kriminaldyq politsiia Dúniejúzilik adam saýdasyna qarsy kúres kúnine orai osyndai derekterdi jariialap otyr.
"Tek jyl basynan beri bólimshe qyzmetkerleri adam saýdasyna qatysty jeti qylmystyq quqyq buzýshylyqty anyqtady. Atap aitqanda, bes derek - jezókshelikpen ainalysýǵa arnalǵan úidi uiymdastyrý jáne ustaý, kámeletke tolmaǵan adamdy jezókshelikpen ainalysýǵa tartýdyń bir deregi jáne jańa týǵan sábidi satýǵa oqtalý. Qazirgi ýaqytta osy epizodtar boiynsha sotaldy tergeý júrip jatyr. Kináliler jasaǵan áreketteri úshin zań aiasynda qatań jaýap beredi", - dedi Almaty qalasy Kriminaldyq politsiia basqarmasy bastyǵynyń orynbasary Rýslan Smaǵulov.
Sonymen qatar spiker adam saýdasymen kúreste qoǵam men úkimettik emes uiymdardyń mańyzdy róline toqtaldy. Olardyń mindeti - árbir adam erkindik quqyǵy buzylsa ne isteý kerek ekenin bilýi úshin, halyq arasynda aqparattyq-túsindirý jumystaryn keńinen júrgizý.
