Taldyqorǵan qalasyna qarasty Ótenai aýyldyq okrýginiń turǵyny Millioner Qajykenuly meditsina qyzmetkerlerine apta saiyn 10 litr qymyz tegin taratý naýqanyn qolǵa aldy, dep habarlaidy "Ult aqparat".
«Ata-babamyzdan kele jatqan ulttyq sýsynnyń adam aǵzasyna tigizer paidasy zor. Álemdi jailaǵan pandemiiany toqtatýdyń birden-bir joly - ár adamnyń densaýlyǵyn jaqsartyp, immýnitetin kóterý. Sondyqtan dertke daýa, janǵa shipa bolatyn emdik sýsyndy aýrýhanalarǵa tegin taratýdyń meditsina salasy qyzmetkerleriniń densaýlyǵyn saqtap qalýda paidasy zor»,- deidi aýyl turǵyny Millioner Qajykenuly.
Qazirgi tańda Ótenai aýyldyq okrýginiń ákimdigi jáne oblystyq «Rýhani jańǵyrý» jobalyq keńsesi bastamasymen «Jomart júrek» atty qaiyrymdylyq aktsiiasy ótip jatyr.
Shara Elbasy Nursultan Ábishuly Nazarbaevtyń «Bolashaqqa baǵdar: rýhani jańǵyrý» baǵdarlamalyq maqalasynyń «Týǵan jer» arnaiy jobasy aiasynda aýyldyq okrýg sheńberinde uiymdastyrylýda.
«Aldaǵy ýaqytta qymyzben birge shubat sýsynyn da meditsina qyzmetkerlerine tegin úlestirýge qolǵabys jasalady. Saýaby mol igilikti shara munymen shektelmek emes. Sýsyndy aýylymyzdyń erikti jastary men belsendi azamattary emhanalarǵa, jedel járdem qyzmetkerlerine tegin jetkizip beredi. Ózge de aýyl azamattaryn qaiyrymdylyq aktsiiasyna atsalysýǵa shaqyramyz», – deidi okrýg ákimi Jannur Ábishev.
