Almaty oblysynyń Kerbulaq aýdanynda nóser jańbyrdan keiin qatty sel júrdi, dep habarlaidy "Ult aqparat".
Seldiń videosy áleýmettik jelide tarady.
Almaty oblysynyń tótenshe jaǵdailar departamentiniń málimetinshe, sel 14 shilde kúni saǵat 16.00-den 17.00-ge deiin Almaty oblysy Kerbulaq aýdany Kóksý aýyldyq okrýginde boldy.
«Kóksý shatqalynda jańbyr men burshaq túrindegi qatty jaýyn-shashynnyń saldarynan balshyq aǵyny júrip ótti. Osyǵan bailanysty Kóksý orman sharýashylyǵynyń birinshi kordonyna aparatyn jol jabyldy. Qazir sel toqtady. Jol tazartyldy. Zardap shekkender joq», - dep habarlady oblystyq tótenshe jaǵdailar departamentinen.
Almaty oblysynyń tótenshe jaǵdailar departamenti kún saiyn oblys aýmaǵynda ótkinshi jańbyr jaýyp, naizaǵai oinap, jel bolatyny týraly eskertý jariialaidy.
