Foto: ashyq derekkóz
Almaty oblysynyń Raiymbek aýdanynda jesir áiel óziniń marqum kúieýinen qalǵan 126,3 gektar jerdiń bir bóligin qaitarýǵa qol jetkizdi, dep habarlaidy Ult.kz.
1995 jyly aýdan ákimshiligi turǵynǵa bul jer telimin ómir boiyna muragerlikke bergen. Alaida, 2011 jyly jer iesi qaitys bolǵannan keiin, onyń jesiri muragerlik quqyǵyn júzege asyra almaǵan. Sebebi Jer qatynastary bólimi bul jerdiń 54,7 gektaryn basqa JShS-ǵa jalǵa bergen.
Jesir áiel óz quqyǵyn qorǵaý úshin JShS-ǵa, jer qatynastary bólimine jáne ákimdikke talap aryzben júgindi. Sot talqylaýy barysynda jer telimderiniń qabattasqany anyqtalyp, elektrondy kadastrlyq karta arqyly rastaldy.
Raiymbek aýdandyq soty talapty qanaǵattandyryp, áieldiń jer telimin qaitarý quqyǵyn moiyndady. Degenmen, múddeli taraptardyń biri – AQ uiymy bul sheshimge apelliatsiialyq shaǵym túsirdi, daýly jerdiń kepilde turǵanyn alǵa tartty.
Almaty oblystyq soty isti qaita qarap, birinshi satydaǵy sottyń sheshimin ózgerissiz qaldyrdy. Bul sheshim jalǵa berý sharttaryn jasasý kezinde quqyq belgileitin qujattardy muqiiat tekserýdiń mańyzdylyǵyn kórsetti.
