Foto: Pixabay
Almaty oblysynda kámeletke tolmaǵan qyzǵa qatysty aýyr qylmys deregi boiynsha qylmystyq is qozǵaldy, dep habarlaidy Ult.kz "Almaty" telearnasyna silteme jasap.
Aldyn ala málimetterge sáikes, birneshe adam kúdikke ilingen. Olardyń jasy 16 men 26 aralyǵynda. Jábirlenýshiniń aitýynsha, oqiǵa aýyldasy bolyp tabylatyn 26 jastaǵy er adammen kezdesýden keiin bastalǵan.
Qyzdyń zańdy ókiliniń sózinshe, kúdiktilerdiń jaqyndary isti jariia etpeýge tyrysqan. Alaida oqiǵa boiynsha aryz quqyq qorǵaý organdaryna 16 naýryzda túsken.
Qazirgi ýaqytta atalǵan fakti boiynsha Qylmystyq kodekstiń tiisti baby boiynsha tergeý amaldary júrgizilýde. Politsiia ókilderi oqiǵaǵa qatysy bar barlyq tulǵalar anyqtalyp, olardyń áreketterine quqyqtyq baǵa beriletinin málimdedi.
“Oqiǵanyń barlyq mán-jaiyn jan-jaqty, tolyq ári obektivti anyqtaý úshin tergeý-jedel toby qurylǵan. Is oblystyq politsiia departamenti basshylyǵynyń erekshe baqylaýynda”, – dedi vedomstvonyń resmi ókili Ernar Sáidildin.
Tergeý múddesine bailanysty ózge aqparat jariia etilmeidi.
