Almaty oblysyndaǵy aýyldyq okrýg ákimderiniń sailaýyna 220 myńnan astam adam qatysady, - dep habarlaidy "Ult aqparat".
Qazaqstan Prezidenti sailaý zańnamasyna engizilgen túzetýlerge qol qoidy. Oǵan sáikes aýdandyq mańyzy bar qalalardyń, kentterdiń, aýyldardyń jáne aýyldyq okrýgterdiń ákimderi tikelei sailaý arqyly sailanatyn bolady. Aýyl ákimderin sailaý 2021 jyldyń 25 shildesinde ótedi. Almaty oblysynda jumystar bastalyp ketti. Sailaý naýqany aimaqtyń 71 okrýginde ótedi.
Aqsý aýdany boiynsha 9 ákim, Alakól – 8, Balqash - 6, Eńbekshiqazaq – 10, Eskeldi – 1, Jambyl – 2, Ile – 1, Qarasai – 1, Qaratal – 2, Kegen – 5, Kerbulaq – 4, Kóksý - 4, Panfilov - 4, Sarqan - 3, Talǵar-4, Uiǵyr-6, Tekeli qalasy-1 sailanatyn bolady. Raiymbek aýdanynda, Taldyqorǵan jáne Qapshaǵai qalalarynda bos okrýgterdiń bolmaýyna bailanysty aýyldyq okrýg ákimderin sailaý ótkizilmeidi.
Búgingi kúni ákimdikke 243 kandidat usynyldy, onyń ishinde 167 - ózin - ózi usynǵan, 57 - kandidatty «Nur Otan» partiiasy, 13 – «Adal» partiiasy, 3 – «Aýyl» HDPP, 3-ǴPK usyndy.
Kandidattardyń arasynda memlekettik qyzmetshiler, kommertsiialyq qurylymdardyń ókilderi, biýdjettik uiymdardyń qyzmetkerleri, ýaqytsha jumys istemeitin qoǵamdyq birlestikterdiń qyzmetkerleri jáne basqalar bar.
Oblystyń aýmaqtyq sailaý komissiialary 188 kandidattyń qoiylatyn talaptarǵa sáikestigin anyqtady, 9 kandidat sáikes kelmeidi. Búgingi tańda bir adam óz kandidatýrasyn alyp tastady.
Sailaýǵa 220 myńnan astam adam qatysýdy josparlap otyr. Barlyǵy 17 aýmaqtyq jáne 198 ýchaskelik sailaý komissiialary, 1451 sailaý komissiialarynyń músheleri jumyldyryldy.
Esterińizge sala keteiik, ákimdikke kandidattardy usyný 9 shildege deiin aiaqtalady. Kandidattardy tirkeý 14 shilde kúni saǵat 18.00-ge deiin jalǵasady.
