Almaty oblysynda koronavirýspen aýyryp, ókpesi 95 paiyz qabynǵan júkti áiel aman-esen bosandy, - dep habarlaidy "Ult aqparat".
Jaǵdaiy óte aýyr halde bolǵan alakóldik Juldyz Nurǵalieva sanaviatsiiamen Taldyqorǵanǵa jetkizilgen.
«Ol 9 sáýirde ashylǵan Taldyqorǵan qalasyndaǵy perinataldy ortalyqtyń koronavirýstyq infektsiiasy jáne polisegmentti pnevmoniiasy bar júkti jáne bosanatyn áielderge arnalǵan infektsiialyq bólimge tústi. Ókpesi 95 paiyzǵa deiin qabynǵan júkti áielge der kezinde kesir tiligi jasalyp, reanimatsiialyq bólimge jatqyzyldy. Ana men balanyń ómirine arasha túsken meditsina qyzmetkerleriniń arqasynda ómirge deni saý shaqalaq keldi. Otadan keiin kelinshek bir ai boiy infektsiialyq bólimde, al jańa týylǵan náreste perinataldy ortalyq dárigerleriniń qadaǵalaýynda boldy», - dedi Almaty oblystyq Densaýlyq saqtaý basqarmasyndaǵy baspasóz qyzmetiniń resmi ókili Láilim Áýbákirova.
Almaty oblystyq densaýlyq saqtaý basqarmasynyń basshysy Ómirzaq Niiazbekovtyń aitýynsha, Juldyz Nurǵalieva sáýir aiynyń 27-nen mamyrdyń 24-ine deiin aýrýhanada jatqan.
Jas ana mamyrdyń 24-i kúni aýrýhanadan aman-esen shyqty. Bir ai boiy dertimen arpalysqan ana aýrýhanadan shyǵar kúni alǵash ret balasyn qolyna aldy.
«Maǵan ekinshi ret ómir syilaǵan barlyq dárigerdiń aldynda basymdy iemin. Olar óz isin jetik biletin, jaýapkershiligi mol, naǵyz gippokrat antyna adal jandar. Oblystyq aýrýhananyń bas dárigeri Anarbek Mongol mundaǵy ár naýqastyń jaǵdaiy úshin alańdap, kún- tún demei ózi kelip tekserip júrgeniniń ózi dertti jeńip shyǵýǵa úlken kúsh berdi desem bolady. Sondai-aq, perinataldy ortalyqtyń bas dárigeri Qanat Jumashevqa da alǵysymdy bildiremin. Sondai-aq renanimatolog-dáriger Aziz Sadyqovqa, anestiziolog-lárigerler Berikjan Ýálievke, Gúljan Botalbaevaǵa, Áset Ensinge úlken rahmet. Dárigerlerdiń arqasynda qolyma balamdy alyp, aman-esen úige oralýdamyn», - dedi. Juldyz Nurǵalieva.
