Foto: Instagram.com
Balalar ombýdsmeni Dinara Zákieva Almaty oblysy I. Núsipbaev atyndaǵy mektep-internatyndaǵy balalardyń ómir súrý jaǵdaiyn zerttep, 6 jastan asqan 170 bala internatta aýyr jaǵdaida ómir súrip jatqanyn aitty, dep habarlaidy Ult.kz.
Aitýynsha, internatta jóndeý jumystaryn júrgizemiz degen merdiger jumysyn aiaqtamai ketken.
"Úsh jyl buryn mekemede kúrdeli jóndeý jumystary bastalǵanymen, merdiger ony aiaqtamai ketken. Sonyń saldarynan balalar jartylai qiraǵan ǵimaratta turýǵa májbúr. Oqý korpýsynda túnep, sportzalda tamaqtanady, sanitarlyq-gigienalyq normalar da buzylyp otyr", - dep jazdy D. Zákieva Instagram-daǵy paraqshasynda.
Bul máseleni jáne oblystaǵy balalar qaýipsizdigine qatysty taǵy eki mańyzdy másele Almaty oblysynyń ákimi Marat Sultanǵazievpen kezdesý barysynda talqylanǵan. Ákimdik jóndeý jumystaryn aiaqtaý nemese jańa internat salý máselesin qarastyrǵan. Alaida balalardyń qazirgi qiyn jaǵdaiynda qalmaýy úshin olardy jaqynda jóndeýden ótken jáne bos oryndary bar basqa internatqa kóshirý týraly sheshim qabyldandy.
"Sondai-aq kezdesýde Psihologiialyq qoldaý ortalyǵynyń jumysy men qorǵanshylyq organdary qyzmetkerleriniń sanyn arttyrý máselesi kóterildi. Qabyldanǵan zańǵa sáikes, 5000 balaǵa 1 qyzmetkerden kelýi kerek. Osylaisha, oblysta 109 qyzmetker bolýy tiis, ár aýdanda shamamen 10 mamannan. Bul júieniń tiimdi jumys isteýi, balalardy qorǵaý jáne zorlyq-zombylyqtyń aldyn alý sharalaryn sapaly júrgizý úshin óte mańyzdy", - deidi Dinara Zákieva.
Budan bólek ol óńirlik ýákil Aigúl Esimbekovamen jáne Psihologiialyq qoldaý ortalyǵynyń ujymymen kezdesti. Qazirgi kezde ortalyqtyń kýratorlary mektepterdi aralap, sýitsidtiń aldyn alýǵa arnalǵan biryńǵai baǵdarlama engizý jumysyn atqaryp jatyr.
"Aita ketý kerek, sáýir aiynda Almaty oblysynyń aýdandarynda Oqý-aǵartý ministrligi Balalardyń quqyqtaryn qorǵaý komiteti, Mádeniet, Densaýlyq saqtaý, Ishki ister ministrlikterindegi áriptestermen birge 7-10 kúndik jumys josparlap otyrmyz", - dep túsinderdi D. Zákieva.
