Almaty oblysynda 22-24 jastaǵy mas jigitter, erli-zaiyptyny soqqyǵa jyqqan. Oqiǵa Jambyl aýdanynyń Qasymbek aýylynda bolǵan, dep habarlaidy "Ult aqparat".
«2 maýsym kúni Jambyl aýdanynyń Politsiiasyna Qasymbek aýylynyń turǵyny shaǵymdandy. Áieldiń aitýynsha, belgisiz úsh jigit ózin jáne kúieýin soqqyǵa jyqqan. Tekserý barysynda 22-24 jastaǵy osy aýyldyń turǵyndary ustaldy. Bul is Qylmystyq kodekstiń 293-baby 2-bóligimen buzaqylyq boiynsha tirkeldi», - dep málimdedi Almaty oblystyq Politsiia departamenti baspasóz qyzmetinen.
Vedomstvonyń aqparatyna sáikes, osy oqiǵa boiynsha jábirlenýshilerdiń jaraqat dárejesin anyqtaý maqsatynda qajetti saraptamalar taǵaiyndalǵan.
«Ustalǵan úsh adamnyń ekeýiniń ishimdik ishkeni arnaiy meditsinalyq tekserý barysynda anyqtaldy», - dep tolyqtyrdy atalǵan vedomstvonyń baspasóz qyzmeti.
Ázirge Almaty oblysynyń politsiia departamentiniń baspasóz qyzmeti janjaldyń neden shyqqany jóninde málimet bermedi. Al beiresmi aqparatqa sáikes belgisiz er adam ózgeniń turǵyn úiiniń qorshaýynyń janynda dáret syndyrǵan. Janjal sol sátte bastalǵan kórinedi.
