Almaty oblysynda koronavirýstyń «Delta» shtamyn juqtyrýdyń 2 jaǵdaiy tirkeldi, dep habarlaidy "Ult aqparat".
Naýqastar Talǵar jáne Qaratal aýdandarynda anyqtaldy.
«Negizinen KVI jáne «Delta» shtamy vaktsinalanbaǵan turǵyndar arasynda tirkelip otyr. Bul, vaktsinatsiianyń tiimdiligi joǵary ekenin kórsetedi.
Vaktsinalaýǵa keletin bolsaq, oblysqa barlyǵy 408 475 doza vaktsina kelip tústi, onyń ishinde 39 500 Hayat-Vas, 332 975 Gam-Kovid-vak, 8000 QazVac jáne 28 000 CoronaVac.
Eki komponent 253 350, onyń ishinde 39 500 Hayat-Vas, Gam-Kovid-vak 177 850, QazVac 8000 jáne 28 000 CoronaVac», - delingen Almaty oblystyq Sanitariialyq-epidemiologiialyq baqylaý departamentiniń baspasóz qyzmeti taratqan habarlamada.
Vedomstvonyń aqparatyna sáikes, birinshi komponentpen barlyǵy – 346 922 adam, ekinshisimen – 208 094 adam egildi.
«Dúniejúzilik densaýlyq saqtaý uiymynyń derekteri boiynsha Qazaqstanda qoldanylatyn vaktsinalar koronavirýs infektsiiasynyń úndi, britandyq, ońtústik Afrika jáne braziliialyq shtamdaryna qatysty tiimdi ekenin atap ótken jón», - dep tolyqtyrdy atalǵan vedomstvonyń baspasóz qyzmetinen.
