.webp)
Sýret: QR IIM baspasóz qyzmeti
Ishki ister ministri Almaty oblysy politsiia departamentiniń basshy quramymen aǵymdaǵy jyldyń toǵyz aiyndaǵy jedel qyzmettiń qorytyndysy boiynsha jiyn ótkizdi, dep habarlaidy Zakon.kz.
Ishki ister ministri Erjan Sadenov jedel keńeste jeke quramǵa PD jańa basshysyn tanystyrdy.
"QR Prezidenti Ákimshiliginiń kelisimi boiynsha Ishki ister ministriniń buiryǵymen oblystyq politsiia departamentiniń bastyǵy bolyp Meiram Ábikeev taǵaiyndaldy. Politsiia polkovnigi buǵan deiin Soltústik Qazaqstan oblysy PD bastyǵynyń orynbasary bolǵan. Oblystyq departament bastyǵynyń birinshi orynbasary bolyp Baǵdat Áshimov taǵaiyndaldy", - delingen QR IIM baspasóz qyzmetiniń 2024 jyldyń 19 qazanyndaǵy habarlamasynda.
IIM basshysynyń buiryǵymen:
- PD bastyǵynyń birinshi orynbasary Serik Shalharov;
- Talǵar aýdandyq politsiia basqarmasynyń bastyǵy Nurjan Kúntúnov;
- PD ekstremizmge qarsy is-qimyl basqarmasynyń bastyǵy Ulan Baitaqov;
- PD kriminaldyq politsiia basqarmasynyń bastyǵy Rýslan Smaǵulov;
- PD uiymdasqan qylmysqa qarsy kúres basqarmasynyń bastyǵy Dýlat Qaiyr jáne onyń orynbasary Janat Omarov laýazymdarynan bosatyldy.
Jedel keńestiń qorytyndysy boiynsha ministr óńirdegi quqyqtyq tártipti jáne qoǵamdyq qaýipsizdikti qamtamasyz etý jóninde naqty tapsyrmalar berdi.
IIM basshysy Talǵar aýdanynda kámeletke tolmaǵan balany óltirý faktisi boiynsha tergeý júrgizip jatqan jedel-tergeý tobyn jeke tyńdady. Bul boiynsha naqty tapsyrmalar berildi.
