Almatyda «Alataý Jaryq kompaniiasy» AQ elektr qýatynyń jappai óshýine qatysty túsinikteme berdi, dep habarlaidy "Ult aqparat".
«Alataý Jaryq kompaniiasy» AQ-da qalanyń kóp bóliginde elektr qýatynyń óshýine ózderiniń jelisi emes, soltústikten ońtústikke qarai sozylyp jatqan KEGOS joǵary volti magistraldy jelisine bailanysty ekenin habarlady.
«9 shilde kúni saǵat 17.39-da «KEGOK» AQ («Alma-500» qosalqy stansasy, Uzynaǵash kenti) 500 kV «Soltústik - Ońtústik» tranzit jelisiniń avariialyq ajyratylýy saldarynan Alataý, Bostandyq, Jetisý, Medeý, Naýryzbai jáne Túrksib aýdandarynyń tutynýshylaryn ishinara ajyrata otyryp, qalanyń 44 qosalqy stansasynda avariiaǵa qarsy avtomatty júie (júktemeni avtomatty ajyratý júiesi) iske qosyldy», - dep atap ótti kompaniia.
18.17-de 500 kV tranzit jeli iske qosyldy, sodan keiin tutynýshylardy júieli túrde qosý júrgizildi. Saǵat 18.40-ta 44 qosalqy stansanyń 25-iniń tutynýshylaryna qýat berildi.
Qazirgi ýaqytta basqa abonentterdi qosý jumystary júrgizilip jatyr.
«Keltirilgen qolaisyzdyq úshin qala turǵyndarynan keshirim suraimyz», - dedi kompaniia ókili.
