Baqytjan Saǵyntaev «Almaty» telearnasyndaǵy Akimat LIVE baǵdarlamasynda megapolistegi sanitarlyq-epidemiologiialyq ahýal týraly aitty, dep habarlaidy "Ult aqparat".
2 maýsymdaǵy málimet boiynsha koronavirýs infektsiiasynyń 69 941 jaǵdaiy tirkeldi, onyń 54 141-i simptomdy jáne 15 800-i simptomsyz.
Táýliktik ósim - 0,2%. Reprodýktivti sany - 0,702.
Infektsiialyq statsionarlarda barlyǵy 1431 adam jatyr, onyń ishinde 54 bala bar. 56 naýqastyń jaǵdaiy óte aýyr, 308-i aýyr, 1067-siniń hali ortasha aýyr. Reanimatsiia men intensivti terapiia bólimderinde 106 naýqas bar. Jasandy tynys alý apparatynda – 24, invazindi emes ókpeni jasandy jeldetý apparatynda - 55, High flow apparatynda 26 naýqas bar.
Telemeditsina ortalyǵynyń mobildi toptarynyń baqylaýynda 1 617 naýqas bar, olardyń 237-i simptomsyz, 1331-i jeńil jáne 49-y ortasha aýyrlyq dárejesinde.
Almatyda 26 PTR zerthanasy jumys isteidi, olardyń 26 992 deiin synama jasaýǵa múmkindikteri bar.
«Qalanyń halyqaralyq áýejaiynda sanitarlyq-epidemiologiialyq baqylaýdy kúsheitý sharalary qabyldandy. 2021 jyldyń 6 qazany men 1 maýsymy aralyǵynda Almaty qalasynyń halyqaralyq áýejaiyna bortynda 354 464 jolaýshy bar 2 427 reis kelip qondy. Onyń ishinde COVID-19 teris nátijesi bar anyqtamamen kelgen jolaýshylar sany - 328 367, anyqtamasyz kelgenderi - 25 528, vaktsina pasportymen kelgender - 569.
Sondai-aq, PTR anyqtamasy joq 32 shetel azamaty elden shyǵaryldy.
