Almaty oblysynda aýa temperatýrasynyń kúrt kóterilýine bailanysty Almaty-Qorǵas tas jolynda beton plitalar ornynan jyljyp ketti. Jol jabyny kóterilip, birneshe kólik zaqymdaldy, - dep habarlaidy Tengrinews.kz.
What's app messendjerinde Almaty-Qorǵas tasjolynda beton plitalar qaita kóterilgeni týraly eskertý aitylǵan videolar tarap jatyr.
"Shelek jaqtan kele jatsańyz Malovodnoeǵa jetpei betondar qaita kóterilip ketken. Abai bolyńdar, jigitter", - deidi video avtory.
QazAvtoJol málimetinshe, 2021 jyly 2 shildede "Almaty-Qorǵas" (Báidibek Bi kenti aýdanynda) avtomobil jolynyń aqyly ýchaskesiniń 86-shaqyrymynda aýa temperatýrasynyń kúrt kóterilýinen beton plitalar yǵysyp, júris bóliginiń jabyny kóterilip ketken.
"QazAvtoJol" qyzmetkerleri ákimshilik politsiiamen birlesip jedel túrde eskertý jol belgilerin ornatty, sondai-aq jóndeý jumystaryn júrgizý kezinde politsiianyń patrýldik kóligi qoiyldy. Osy ýchaskedegi aqaý jedel joiyldy. "QazAvtoJol" ýaqytsha qolaisyzdyqtar týyndaǵany úshin keshirim suraidy jáne jol paidalanýshylaryna ýaqtyly habardar etkeni úshin alǵys bildiredi", - dedi kompaniia ókilderi.
