Teris nemese beitarap mártebesi bar almatylyqtar halyqqa qyzmet kórsetý ortalyqtarynan memlekettik qyzmetterdi kezeksiz ala alady, dep habarlaidy "Ult aqparat".
QR Bas memlekettik sanitarlyq dárigeriniń qaýlysyna sáikes, 14 maýsymnan bastap HQO-lar Ashyq servisi arqyly klientterdi qabyldaýǵa kóshedi. Teris nemese beitarap mártebesi bar almatylyqtar memlekettik qyzmetterdi kezeksiz alýyna bolady.
«Ashyq qosymshasy boiynsha qaladaǵy barlyq HQO-ǵa kirýge qoljetimdi bolady. Qalanyń árbir front-ofisine skanerleý úshin arnaiy derbes QR-kod berildi. QR kodtary ǵimaratqa kire beriste ilinedi», - deidi «Azamattarǵa arnalǵan úkimet» memlekettik korporatsiiasy» KE AQ Almaty qalasy filialynyń PR-menedjeri Jańyl Ápetova.
Bul rette kezekke aldyn ala brondaý múmkindigi burynǵysha qalady. Onyń artyqshylyǵy – siz belgilengen ýaqytta operatordyń qabyldaýyna birden óte alasyz.
«Eger qyzmetti alýshyda Ashyq qosymshasy bolmasa, jaqynda ǵana Ashyq fýnktsionaly engizilgen eGov mobile, Kaspi.kz jáne Halyk Homebank qosymshalaryn paidalana alady», - dep qosty ol.
Osy qosymshalar bolmasa da, mártebeńizdi HQO qyzmetkerleri JSN boiynsha anyqtaityn bolady.
