Almaty tsirkiniń janyndaǵy sýburqaqta toq soqqan úsh adamnyń biriniń jaǵdaiy óte aýyr. Bul týraly qalalyq Qoǵamdyq densaýlyq basqarmasy basshysynyń orynbasary Laýra Myrzaǵali málim etti, dep habarlaidy "Ult aqparat".
«Senbi kúni keshki saǵat 16:00 shamasynda jedel járdem qyzmetine sýburqaqta bir eresek jáne eki balanyń zardap shekkeni týraly habar tústi. 1993 jyly týǵan Almaty turǵyny qazir Ortalyq klinkalyq aýrýhanada jatyr. Jaǵdaiy óte aýyr. Reanimatsiia bóliminde. Barlyq meditsinalyq kómekti kórsetip jatyrmyz. Ol azamatta kóptegen jaraqat bar. Qazir dárigerlerdiń baqylaýynda. Qalǵan eki kishkentai qyzǵa keletin bolsaq, 10 jastaǵy qyz jansaqtaý bóliminen palataǵa aýystyryldy. Jaǵdaiy ortasha aýyr. 8 jastaǵy ekinshi qyz jansaqtaý bóliminde, erteńge deiin baqylaýda ustaimyz. Jaǵdaiy ortasha aýyr», - dedi basqarma ókili.
Eske salaiyq, 19 maýsym kúni Almaty tsirki mańyndaǵy fontanda birneshe adamdy toq soqty.
Keiin ákimdik atalǵan oqiǵanyn mán-jaiyn túsindirdi.
Sonymen qatar, «Eco Almaty» JShS basshysy Janna Asanova, ol jerde «Shomylýǵa tyiym salynady!» degen eskertý taqtashasy ornatylǵanyn jazdy.
Almaty ákimi Baqytjan Saǵyntaevtyń aitýynsha, oqys oqiǵaǵa qatysty politsiia tergeý júrgizip jatyr.
