Almaty qalasy máslihatynyń 2021 jylǵy 23 sáýirdegi sheshimimen kásipkerlikti damytýdyń "Almaty Business – 2025" óńirlik baǵdarlamasyna ózgerister bekitildi. Osy baǵdarlamadaǵy negizgi ózgeris jumys istep turǵan kásipkerler úshin kepilsiz mikrokreditter berý baǵdarlamasyn engizý bolyp tabylady, - dep habarlaidy «Ult aqparat».
Kepilsiz mikrokreditter jumys istep turǵan shaǵyn jáne orta biznes sýbektileri úshin jyl saiynǵy tiimdi syiaqy mólsherlemesi 12%, 24 aiǵa deiingi merzimge jáne eń joǵary somasy 6 000 000 teńgege deiin qoljetimdi. Bul ónim ashyq qyzmet júrgizetin jumys istep turǵan kásipkerlerdi qoldaý quraldarynyń biri bolyp tabylady, óitkeni ekinshi deńgeidegi bankterde kepilsiz kreditteý boiynsha mólsherlemeler 17%-dan bastalady jáne ortasha alǵanda 22-23%-dy quraidy.
Kepilsiz qaryz berýmen "ALMATY BUSINESS – 2025" kásipkerlikti damytýdyń óńirlik baǵdarlamasy aiasynda qurylǵan "Almaty "ÁKK" AQ kompaniialar tobyna kiretin "Almaty" mikroqarjy uiymy ainalysady. Búginniń ózinde Almaty qalasynyń jeke kásipkerleri (JK) shaǵyn nesiege arnaiy nysan arqyly kompaniianyń vebsaityna ótinish bere alady. Kepilsiz mikrokredit alýdyń negizgi sharty Almaty qalasynda keminde 6 ai merzimge kásipkerlik qyzmetti tirkeý jáne júzege asyrý bolyp tabylady, al qajetti qujattardyń sany óte az:
· Ýákiletti tulǵanyń jeke kýáligi;
· Jeke kásipkerdi tirkeý kýáligi;
· Tabys salyǵy boiynsha salyq deklaratsiialary;
· Qyzmet kórsetetin bankterden banktik shottardyń bolýy jáne ai saiynǵy ainalymdar týraly, sońǵy on eki aidaǵy úzindi kóshirmeler qosa berilgen anyqtamalar.
Aita keteiik, bul qujattardyń barlyǵyn jeke kásipkerler tiisti bazalardan-salyq tóleýshiniń kabinetinen, qyzmet kórsetetin banktiń onlain-bankinginen túsire alady, iaǵni qaǵaz qujattardy naqty jinaýdyń qajeti joq.
Almaty qalasy shaǵyn orta biznes sýbektilerin qoljetimdi qarjylandyrý túrindegi memlekettik qoldaý "Almaty" jáne "Almaty Finance" MQU-nyń negizgi mindeti bolyp tabylady, sondai-aq jyldyq 2% jáne 6% mólsherlemeler boiynsha jeńildikti kepildik kreditter beredi.
ALMATY BUSINESS – 2025 Shaǵyn jáne orta biznesti qoldaý úshin kásipkerlikti damytýdyń óńirlik baǵdarlamasy.
Almaty Business-2025 kásipkerlikti damytýdyń óńirlik baǵdarlamasy baǵyttalǵan:
· biznesti júrgizý úshin qolaily jaǵdailar jasaýǵa;
· qarjylandyrýdyń qoljetimdiligin arttyrý;
· ákimshilik kedergilerdi azaitý;
· oqytý;
· kásipkerlerdi súiemeldeý;
· investorlar tartý;
Almaty Finance JShS-kredittik uiym, "Almaty" áleýmettik-kásipkerlik korporatsiiasy"AQ-nyń enshiles kompaniiasy bolyp tabylady.
Almaty Finance Almatydaǵy jeke kásipkerlik sýbektileri úshin balamaly qoljetimdi qarjylandyrý kózin usynady.
Áleýmettik-kásipkerlik korporatsiialar – bul óz qyzmetin taýarlar men qyzmetterdi óndirý men satýdan paida tabý maqsatynda júzege asyratyn ornyqty biznes-qurylymdar. Áleýmettik-kásipkerlik korporatsiialar kommertsiialyq korporatsiialardan basty aiyrmashylyǵy – alynǵan paida ÁKK múddesi úshin qurylǵan óńir halqynyń áleýmettik, ekonomikalyq nemese mádeni maqsattaryn iske asyrý úshin qaita investitsiialanady.
Almaty "Áleýmettik-kásipkerlik korporatsiiasy" AQ Qazaqstan Respýblikasy Úkimetiniń 2010 jylǵy 31 naýryzdaǵy qaýlysyna sáikes quryldy, Almaty qalasynyń Ádilet departamentinde 2010 jylǵy 27 tamyzda tirkeldi. Almaty ÁKK-niń 100% aktsioneri "Almaty qalasynyń kásipkerlik jáne investitsiialar basqarmasy" KMM bolyp tabylady.
Almaty – Qazaqstannyń iri ekonomikalyq ortalyǵy. Turaqsyz ekonomikalyq jaǵdaida megapolis biznes-bastamalar úshin eń perspektivaly investitsiialyq alań bolyp qala beredi. Almaty qalasynyń JÓÓ 2019 jyly 5,3 trillion teńge nemese JIÓ-de 18,6%. JÓÓ-degi ShOK úlesi boiynsha esepti jyly óńir respýblikada 42,9% kórsetkishimen 2-oryndy alady. Bul kórsetkishtiń 2018 jylmen salystyrǵanda 3,0 paiyzdyq tarmaqqa ósý úrdisi baiqaldy.
Almaty qalasynda jumys istep turǵan ShOK sýbektileriniń sany 2020 jylǵy 1 shildedegi jaǵdai boiynsha 195,6 myń birlikti qurady. Shok qurylymynda jeke kásipkerler 61,1%-dy, shaǵyn kásipkerliktiń zańdy tulǵalary 38,1%-dy qurady.
