Almaty qalalyq Qoǵamdyq densaýlyq saqtaý basqarmasy koronavirýs boiynsha birneshe stsenarii ázirledi. Jaǵdai ýshyǵatyn bolsa, statsionarlardaǵy tósek 10 myńǵa deiin ulǵaitylýy múmkin.
Bul týraly onlain brifing barysynda Nariman Tabynbaev málim etti, dep habarlaidy QazAqparat.
«Koronavirýstyń tórtinshi tolqynyna daiyndyq júrip jatyr. Biz 3 túrli stsenarii ázirledik. Birinshisi, ol bir táýlikte 400 -den 800-ge deiin jaǵdai tirkeletin bolsa, onyń ishinde 450 naýqas aýrýhanaǵa tússe, onda tósek-oryn sanyn 3700 deiin kóbeitemiz. Oǵan 4460 meditsina qyzmetkeri jumyldyrylady. Ekinshisi, iaǵni bir táýlikte 1200-1500 koronavirýs jaǵdaiy anyqtalsa, onda tósek-oryn 7 myńǵa deiin ulǵaitylady. Meditsina mamandarynyń sany alty myńnan asatyn bolady. Úshinshi satysy, jaǵdai kúrdelenetin bolsa, onda statsionarlardaǵy tósek oryndy 10 myńǵa deiin jetkizemiz», - dedi basqarma basshysy.
Buǵan deiin, Jandarbek Bekshin koronavirýstyń tórtinshi tolqyny bastalýy múmkin ekenin málim etken bolatyn.
Onyń aitýynsha, buǵan deiin britandyq «alfa» shtammy koronavirýstyń úshinshi tolqynyna sebep bolǵan. Osy joly «delta» shtammy tórtinshi tolqyndy týǵyzýy ábden múmkin.
