Almaty qalasy ákiminiń orynbasary Erjan Babaqumarov megapolistiń aýmaqtyq sanitarlyq-epidemiologiialyq baqylaý departamentiniń basshysy, bas sanitar dáriger Jandarbek Bekshinmen jáne qalalyq qoǵamdyq densaýlyq basqarmasynyń basshysy Nariman Tabynbaevpen birge Almaty halyqaralyq áýejaiy men qala vokzaldarynyń aýmaǵyndaǵy sanitarlyq epidemiologiialyq qyzmetterdiń jumysyn tekserdi, dep habarlaidy "Ult aqparat".
Tekserý barysynda megapolis aýmaǵyna infektsiia taralý jaǵdailarynyń algoritmine jáne boldyrmaýdyń aldyn alý jónindegi saqtyq sharalaryna basa nazar aýdaryldy.
QR aýmaǵynda koronavirýs infektsiiasynyń taralýyn boldyrmaý jónindegi Vedomstvoaralyq komissiianyń jáne QR Densaýlyq saqtaý ministrliginiń elde «Delta» (úndi) shtamynyń ainalymyna qatysty tapsyrmasyn eskere otyryp, jerústi qyzmetterdiń koronavirýs infektsiianyń taralýyna qarsy daiyndyǵy, ushý aýmaǵynda infektsiia simtomdaryn anyqtaityn jolaýshylar úshin jekelegen infektsiialyq bokstardyń jumysy tekserildi.
Áýejaiǵa kire beristegi Ashyq qosymshasy arqyly testileýge de nazar aýdaryldy.
Kúzet qyzmetine orta eseppen áýejaiǵa kire beriste «qyzyl» mártebege ie eki-úsh jolaýshy tirkelgeni týraly habardar etildi — infektsiianyń odan ári taralýyna jol bermeý úshin bul adamdarǵa jedel sharalar qabyldanýda.
Áýejai bazasynda aeroport bólimsheleri basshylyǵy men ókilderiniń qatysýymen koronavirýs infektsiianyń taralýyn boldyrmaý jónindegi qalalyq shtabtyń kóshpeli otyrysy ótti.
Epidemiologtardyń aitýynsha, «Delta» shtamy anyqtalǵan shtamdarǵa qaraǵanda 60% juqpaly.
Ortasha alǵanda, bir adamnan 5-6 adam juqtyrady, al ainalymdaǵy basqa shtamdardan - 3-4 adam.
Shtammnyń inkýbatsiia kezeńi - jeti kún. Ǵalymdardyń zertteýleri koronavirýstyń úndi shtamynda aýrýhanaǵa jatqyzý men ólim-jitim yqtimaldyǵy joǵary ekenin aitty.
Jandarbek Bekshin úndi shtamynyń simptomdary úirenshikti shtammdardan ózgeshe ekenin atap ótti.
«Mysaly iis sezý bolmaýy múmkin. Alaida, aýrýdyń belgileri baiqalǵan kezde dereý dárigerdi shaqyrýyńyz kerek, óitkeni jańa shtamm qaýipti. Osyǵan bailanysty qala turǵyndary ózin-ózi emdeýmen ainalyspaýy kerek», - dedi ol.
Ákimniń orynbasary Erjan Babaqumarov sanitarlyq-epidemiologiialyq qorǵaýdyń barlyq sharalaryn kúsheitýdi, onyń ishinde áýejai qyzmetkerlerin vaktsinalaýǵa shaqyrdy.
Sondai-aq áýejaidy dezinfektsiialaý jumystary jalǵasady.
Aita ketsek, Almaty epidemiologtary qaýipti «Delta» shtammynan týyndaýy múmkin koronavirýs infektsiiasynyń jańa tolqynyn joqqa shyǵarmaidy.
Dúniejúzilik densaýlyq saqtaý uiymynyń málimetinshe, 20 maýsymǵa deiin SARS-CoV-2 «Delta» shtamy álemniń 74 elinde anyqtalǵan.
