Almaty ákimi Baqytjan Saǵyntaevtyń tapsyrmasymen qala ákimdiginiń ǵimaratynda «Ashyq ákimdik» front-ofisi quryldy, dep habarlaidy "Ult aqparat".
Joba «Halyq únine qulaq asatyn memleket» tujyrymdamasy aiasynda ákimdikke júginetin azamattardyń máselelerin sheshý úshin jaily jaǵdai jasaý maqsatynda iske asyryldy.
Ótinishter «bir tereze» qaǵidaty boiynsha qaralady jáne esepke alynýyna orai aýdandyq ákimdikterge nemese qala basqarmalaryna jiberiledi.
Ótinishter boiynsha jumys isteitin jobalyq keńsemen birge front-ofis qyzmetkerleriniń is-áreketteriniń algoritmi jasaldy, onyń quramyna qurylymdyq bólimshelerdiń basshylary men aýdan ákimderi apparattarynyń basshylary endi.
Jazbasha ótinish bergen kezde elektrondyq kezektiń kýpony beriledi. Ótinishke tirkeý nómiri jazylady, ol bir memlekettik organnan ekinshisine berilýin boldyrmaidy jáne tolyq ári naqty jaýapty qamtamasyz etedi.
Qazirgi kezde barlyq aýdandyq ákimdikterde front-ofister jumys isteidi, «aýdan - basqarma - qala» vertikaly jasalǵan. Bolashaqta aýdandyq ákimdikterde turǵyndardy qabyldaýdyń elektrondy brondaý túri qarastyrylǵan.
Front-ofis ahýaldyq ortalyq retinde ózekti máselelerdi sheshý boiynsha jedel sharalar qabyldaýdy qamtamasyz etedi ári ótinishtiń qaitalanýynyń aldyn alady. Ótinimderdi óńdeý tiimdiligin jedeldetý maqsatynda kún saiyn qyzmetkerlerdiń atqarǵan jumystaryna TNK boiynsha monitoring júrigiziledi.
Almaty ákimdiginde «Qujat ainalymynyń biryńǵai júiesi» ornatylǵan, qazirgi kezde azamattardyń ótinishterin jedel qaraýǵa múmkindik beretin «E-Ótinish» aqparattyq júiesi engizilgen.
Sonymen qatar «1318» qysqa nómiri bar kóp arnaly koll-ortalyq jumys isteidi. Ol azamattarǵa ótinishter týraly aqparat alýlarynyń basty kózi bolyp tabylady, iaǵni ótinimniń qabyldanýynan bastap, oryndalýy, azamattyń berilgen jaýapqa qanaǵattanýy týraly tolyq aqparat usynady.
Azamattardy qabyldaýdy uiymdastyrýmen, ótinishterdi tirkeýmen, baqylaý men oryndalýyna monitoring júrgizýmen, ótinishterdiń oryndalýyna saraptama jasaýmen jáne tapsyrma berýmen Almaty ákimi apparatynyń ótinishterdi qaraýdy baqylaý bólimi ainalysady.
