Almaty ákimdigi tasymaldaýshy kompaniialarǵa 4 mlrd teńge qaryz, dep habarlaidy QazAqparat.
«Mádina» avtoparkiniń direktory Bekejan Tynyshtyqbadyń aitýynsha, ákimdik sýbsidiia tóleýdi jyl basynan beri keshiktirip jatyr.
«Ákimdiktiń tapsyrysy boiynsha biz, jeke kólik parkteri, avtobýstardy 100% jańarttyq. Nesie alyp, olardy lizingke satyp aldyq. Ákimdik bizdiń málimetterimiz boiynsha sýbsidiialardyń jańa esepteýlerin maquldamady.
Avtobýs parkteri janarmai, qosalqy bólshekter satyp alý men jumysshylarǵa jalaqy tóleýde qiyndyqtarǵa tap boldy. Qazir bizge jańa gazben qozǵalatyn avtobýstar satyp alyńdar dep jatyr, biraq biz qazirgi nesieni tólei almai otyrmyz. Byltyr jolaýshylar aǵyny men sýbsidiia tólemderi az boldy. Biyl jolaýshylar sany kóbeidi. Al ákimdik bizge sýbsidiia tólei almai jatyr», - deidi ol.
Sonymen qatar, ol kompaniia qaryzǵa batqanyn tilge tiek etti.
«Olar ótken jyly 22 mlrd teńge sýbsidiia tóledik dep otyr. Alaida, biyl bul soma kem degende eki esege ósti. Biz ony byltyr jolaýshylar aǵyny az bolǵanymen túsindirdik, biyl olardyń sany kóbeidi. Sonymen qatar, jańa avtobýstar men jańa marshrýttar paida boldy», - dedi ol.
«City Bus» JShS direktory Egor Jiglov 2020 jyl tasymaldaýshy kompaniialar úshin qiyn bolǵanyn atap ótti.
«Sýbsidiia tóleý merzimin keiinge qaldyryp, keshiktirip jatyr. Bul kompaniia jumysynyń sapasyna jáne damýyna úlken áser etedi. Bul eshqashan toqtamaityn óndiris. Eger biz ony ýaqytynda qarjylandyrmasaq, onda damý bolmaidy. Avtobýstardy jóndeý sýbsidiia tóleýge bailanysty, eger júrgizýshi ýaqytyly jalaqy almasa, ketip qalady. Bul úlken tapshylyqqa ákep soǵady», - dedi ol.
Óz kezeginde, Almaty qalalyq mobildilik basqarmasy bastyǵynyń orynbasary Symbat Myrzaǵulov tólemderdiń ne sebepti keshiktirilip jatqanyn túsindirdi.
«Bizde únemi kidirister bolmaidy. Avtoparkter jumysyn toqtatatyndai eshteńe joq. Biz qazir qaita eseptep, tekserip jatyrmyz, tekserý áli aiaqtalǵan joq. Aiaqtalǵannan keiin biz bárin usynatyn bolamyz. Avtoparkter aqshasyz qalǵan joq, biz olarǵa aqsha tólep jatyrmyz, sýbsidiia tóleimiz, olar biletterden de qarjy taýyp otyr», - dep túsindirdi ol.
Onyń aitýynsha, tasymaldaýshylarǵa sýbsidiianyń 50% tólenedi, sondyqtan olar aqshasyz otyrǵan joq.
«Avtobýs parkteriniń jumysy toqtamaidy. Biz oǵan jol bermeimiz. Qaryz shamamen 4 mlrd teńge. Ótken jyly jolaýshylar aǵyny naýryz aiynan bastap tómendedi, biraq qarasha aiynda biz 2019 jyldyń kórsetkishterine jettik. Jumys kúnderi bizdiń jolaýshylar aǵyny shamamen 1 mln adamdy quraidy. 2019 jyly bul 1,2 nemese 1,1 mln boldy. Sebebi, qazir oqýshylar men stýdentter joq»,- dedi basqarma basshysynyń orynbasary.
Onyń aitýynsha, qalada avtobýs tapshylyǵy shamamen 700-1000 avtobýs.
