Almatydaǵy Óńirlik kommýnikatsiialar qyzmetinde Almaty ákiminiń orynbasary Iliias Óserov Óńirlik kommýnikatsiialar qyzmetiniń onlain baspasóz-konferentsiiasynda Shaǵyn jáne orta qoldaý men qala turǵyndaryn jumyspen qamtý sharalarymen tanystyrdy, - dep habarlaidy «Ult aqparat».
Konferentsiiaǵa qatysqan almatylyqtar qalada ashylǵan jumys oryndary týraly surady. Qala ákiminiń orynbasarynyń aitýynsha, osy jyldyń 1 maýsymyna Almatyda 31 myń jumys orny ashylǵan. Qala basshylyǵynyń bul sózin almatylyq Aidana Azamatqyzy da rastap otyr. Ol osy ashylǵan jumys oryndarynyń birine ie bolǵan turǵyn bolyp tirkelgen.
«Men bos jumys oryndaryna únemi jazylyp, ákimdiktiń sharalaryn únemi baqylap otyramyn. Jaqynda ǵana bos jumys oryndarynyń birine ie bolyp, qýanyshym eselenip otyr. Eń bastysy, men siiaqty qarapaiym turǵynnyń osy baǵdarlamalar arqyly jumysqa qol jetkie alatynyna kóz jetkizdim. Jáne qala turǵyndaryna da osy joldy usynamyn», - dedi almatylyq turǵyn Aidana.
Basshylyqtyń aitýynsha, sáikesinshe, qala boiynsha ortasha ailyq jalaqy respýblikalyq deńgeiden 16,3%-ǵa joǵary jáne jyl saiyn ósýde. Máselen, ótken jyly 74 myńnan astam kásipker salyqtyq jeńildikterge ie boldy. Zardap shekken salalardyń 3 myń qaryz alýshylarynyń nesieleri keiinge qaldyryldy, 300-den astam kásipker kommýnaldyq menshik nysandarynda jaldaý aqylaryn tóleýden bosatyldy. Arzan mólsherleme boiynsha kásipkerlerdiń 1 myńnan astam jobalary qarjylandyrylypty.
"Kásipkerlerdiń tiimdi jumys isteýi úshin biz naryqqa qatysýshylar arasynda ózara tiimdi jáne uzaq merzimdi ekonomikalyq qarym-qatynasty qalyptastyrý úshin jaǵdai jasaimyz", - dep habarlady Iliias Óserov.
Osy oraida almatylyq kásipker Batyl Arslanuly biyl ShOB jeńildikpen nesielendirý quraldary keńeidi, bul qala turǵyndarynyń jumyspen qamtylýyna oń áserin tigizgenin aityp otyr.
«Shaǵyn jáne orta biznesti qoldaý – qarapaiym halyqty qoldaý dep bilemin. Máselen, men dámhanamnyń jumysyn ary qarai damytý úshin jeńildetilgen nesiege ie bolyp otyrmyn. Sáikesinshe burynǵydan birneshe qyzmetker alyp, birneshe adamdy jumyspen qamti alamyn. Rasynda, nesieni jeńildik sharttarmen qaita qarjylandyrý, sondai-aq nesieler boiynsha merzimin uzartý múmkindigi berilip otyr», - deidi kásipker.
Qoldaý baǵdarlamalarynyń arqasynda shaǵyn jáne orta kásipkerliktiń jumys jasaityn sýbektileriniń sany shamamen 1%-ǵa ósti. Máselen, Almaty bankteri 3 trln teńgeden astam nesie berdi. Onyń ishinde 643,9 mlrd teńgeni shaǵyn kásipkerlik úshin nesieler qurady. Jalpy, jyl basynan beri shaǵyn biznesti nesieleý 2,6 ese ósti.
«Joǵary tabysty jumys oryndaryn qurý úshin biz ekonomikada qurylymdyq manevr jasaýǵa kiristik. Bul qurylymdyq manevr basym salalardy damytý kórinis tapqan Almaty-2050 Strategiiasynda qarastyrylǵan. Týrizm, tsifrlandyrý, kreativti ekonomika salalary damýdyń basty salalary bolyp belgilendi», - dep atap ótti Iliias Óserov.
Aita keteiik, shaǵyn jáne orta kásipkerlik elimizdegi jumyssyzdyqty azaitýdyń negizgi nysany. «Biznestiń jol kartasy-2020» baǵdarlama júzege asqaly beri, eldi- meken turǵyndarynyń tabysy 6% artty. Kedeishilik deńgeii 5,9% dan 3,8%- ǵa qysqardy. Memleket tarapynan qarjy-nesielik jáne investitsiialyq klimat jasalyp, shaǵyn jáne orta kásipkerlikke qarjy-nesielik jáne investitsiialyq turǵydan qoldaý júrgizilýde. Shaǵyn jáne orta kásipkerlikti jetildirý jolynda «Damý» kásipkerlikti damytý qory qyzmet atqaryp jatyr. Shaǵyn jáne orta kásipkerlikti damytýdyń negizgi joly bolyp kásipkerliktiń ártúrli qyrlaryn keńinen qarastyrý ǵana emes, innovatsiialyq tásilderdi, dástúrli emes jáne ozyq tehnologiialardy qoldaný, eń jańa ónimder men qyzmetterdi paidalaný da tabylady. Qazaqstanda shaǵyn jáne orta bizneske birneshe investorlarmen qurylatyn, geografiialyq shektelgen zonalarda qyzmet etetin jáne naryqtyń shekteýli úlesine ie, basqarýdy qurýshylar júzege asyratyn, barlyq negizgi strategiialyq sheshimderdi ózderi qabyldaityn kásiporyndar jatady.
Esterińizge sala keteiik, Almatydaǵy Óńirlik kommýnikatsiialar qyzmetinde Almaty ákiminiń orynbasary Iliias Óserov Óńirlik kommýnikatsiialar qyzmetiniń onlain baspasóz-konferentsiiasynda Shaǵyn jáne orta qoldaý men qala turǵyndaryn jumyspen qamtý sharalarymen tanystyrdy. Máselen, ótken jyly 74 myńnan astam kásipker salyqtyq jeńildikterge ie boldy. Zardap shekken salalardyń 3 myń qaryz alýshylarynyń nesieleri keiinge qaldyryldy, 300-den astam kásipker kommýnaldyq menshik nysandarynda jaldaý aqylaryn tóleýden bosatyldy. Arzan mólsherleme boiynsha kásipkerlerdiń 1 myńnan astam jobalary qarjylandyrylypty.
