Almaty óńirlik kommýnikatsiialar qyzmetiniń brifinginde Almaty qalalyq kásipkerlik jáne investitsiialar basqarmasynyń basshysy Erkebulan Orazalin megapolistiń ekonomikasyn qalpyna keltirý úshin vaktsinatsiianyń paidasy týraly aitty, - dep habarlaidy «Ult aqparat».
Onyń sózinshe, koronavirýsqa qarsy vaktsinatsiia bizneske shekteýsiz jumys isteýge múmkindik beredi.
Jappai vaktsinatsiialaýdyń arqasynda Almatynyń biznes-qoǵamdastyǵy qatań shekteýsiz jumys isteýge múmkindik alady, dep atap ótti Orazalin.
Onyń aitýynsha, jergilikti biznes-qaýymdastyq kóptegen saýda úileriniń, saýda-oiyn-saýyq ortalyqtary men bazarlardyń bazasynda egý pýnktterin ashyp, densaýlyq saqtaý júiesine qoldaý kórsetti. Osylaisha, biznes jappai vaktsinatsiia arqyly ujymdyq immýnitetti qurýǵa yqpal etedi.
Sonymen qatar jergilikti atqarýshy organdardyń atynan Orazalin kásipkerlerge syilyqtar tartý etkeni úshin alǵysyn bildirdi. Almaty SOO-daǵy egý pýnktteri bazasynda ótkizilgen júldelerge qatysty jýrnalisterdiń suraqtaryna jaýap bere otyryp, kásipkerlik basqarmasynyń basshysy kótermeleýden esh jaman nárse kórmeitinin atap ótti.
"Bul tájiribe búkil álemde qoldanylady. Kórshi Reseide alǵashqy ailarda jappai vaktsinatsiia onsha belsendi bolmady, olar qosymsha yntalandyrý sharalaryn qoldana bastady. Meniń oiymsha, bizdiń turǵyndar vaktsinatsiia pýnktterine vaktsina alýǵa ýáde beretin utys nemese syilyq úshin kelmeidi. Bul vaktsinatsiia protsesin qoldaityn jáne elde ujymdyq immýnitettiń qalyptasýyn jaqyndatatyn adamdar. Sondyqtan olardy durys sheshim qabyldaýǵa yntalandyrý kerek", - dedi Orazalin.
Sonymen qatar, saýda jáne tamaqtaný salasynda jumys isteitin kásipkerler klientterdi qorǵaý úshin óz toptaryn vaktsinatsiialaýǵa tyrysady. Osylaisha, ShOB qalada KVI taralý qaýpin azaita otyryp, qoǵam aldynda áleýmettik jaýapkershilik tanytady. Jalpy, jappai vaktsinatsiia jáne ujymdyq immýnitetti qalyptastyrý qala ekonomikasyn qalpyna keltirýge jáne ShOB qyzmetin yntalandyrýǵa múmkindik beredi.
Aita keteiik, 1000-nan astam adam Almaty ákimdiginen perspektivaly startaptar qurýǵa qoldaý alady. Orazalin megapolisti damytýdyń negizgi draiveri biznes pen adamdar ekenin eske saldy. Almaty elimizdiń eń kreativti, isker jáne bilimdi adamdaryn tartady.
"Búginde qala ekonomikasynyń 45%-dan astamyn jeke biznes qalyptastyrady. 10 almatylyqtyń 6-y shaǵyn jáne orta biznespen ainalysady, Qazaqstannyń árbir altynshy kásiporny Almatyda ashylǵan", - dedi Orazalin.
Al onyń aldynda eldiń premer-ministri Asqar Mamin shaǵyn jáne orta biznesti damytý ekonomikanyń turaqtylyǵyn qamtamasyz etýdiń mańyzdy faktorlarynyń biri ekenin aitty.
Soǵan bailanysty biznestiń serpindi damýyna barynsha qolaily jaǵdai jasaý úshin úlken syndarly jumys júrgizilýde.
"Sonymen qatar pandemiia óz túzetýlerin engizdi, shaǵyn jáne orta biznes shekteýlerden zardap shekti. Osyǵan bailanysty úkimet turaqty negizde "Atameken" palatasymen jáne óńirlik kásipkerler keńesterimen birlesip biznesti barynsha tolǵandyratyn máseleler boiynsha jedel qaraidy jáne tiisti sheshimder qabyldaidy", - dedi úkimet basshysy.
Esterińizge sala keteiik, Almaty óńirlik kommýnikatsiialar qyzmetiniń brifinginde Almaty qalalyq kásipkerlik jáne investitsiialar basqarmasynyń basshysy Erkebulan Orazalin megapolistiń ekonomikasyn qalpyna keltirý úshin vaktsinatsiianyń paidasy týraly aitty. Onyń sózinshe, koronavirýsqa qarsy vaktsinatsiia bizneske shekteýsiz jumys isteýge múmkindik beredi. Sonymen qatar, jappai vaktsinatsiialaýdyń arqasynda Almatynyń biznes-qoǵamdastyǵy qatań shekteýsiz jumys isteýge múmkindik alady.
Erkebulan Orazalinniń aitýynsha, jergilikti biznes-qaýymdastyq kóptegen saýda úileriniń, saýda-oiyn-saýyq ortalyqtary men bazarlardyń bazasynda egý pýnktterin ashyp, densaýlyq saqtaý júiesine qoldaý kórsetti. Osylaisha, biznes jappai vaktsinatsiia arqyly ujymdyq immýnitetti qurýǵa yqpal etedi.
